અમદાવાદ ATSની ટીમે ગુપ્ત ઓપરેશન દ્વારા 15 કોરડ હેરોઇન જપ્ત કર્યું

દ્વારકા : દ્વારકા જિલ્લાના સલાયામાંથી અમદાવાદની ATSની ટીમ દ્વારા દરોડા પાડીને ચાર કિલો હેરોઇન જપ્ત કરવામાં આવ્યું હતું. એક ગુપ્ત ઓપરેશન દ્વારા બાતમીનાં આધારે એટીએસ દ્વારા પડાયેલા દરોડામાં 4 કિલો હેરોઇન સાથે 2 લોકોની ધરપકડ કરવામાં આવી હતી. આ હેરોઇનની કિંમત 15 કરોડની આસપાસ હોવાનું માનવામાં આવી રહ્યું છે. જો કે સ્થાનિક પોલીસ આ સમગ્ર ઓપરેશન મુદ્દે અજાણ હતી. 

અમદાવાદ એટીએસ દ્વારા દેવભુમિ દ્વારા જિલ્લાનાં સલાયા ગામની એક વાડીમાંથી ગુપ્ત ઓપરેશન દ્વારા ચોક્કસ બાતમીનાં આધારે ચાર કિલો હેરોઇનનો જથ્થો જપ્ત કરવામાં આવ્યો હતો. સાથે 2 વ્યક્તિઓની ધરપકડ કરવામાં આવી છે. આ ઓપરેશનમાં સ્થાનિક પોલીસને તદ્દન અજાણ રાખવામાં આવી હતી. હાલ તો એટીએસ દ્વારા જ આ સમગ્ર મુદ્દે કાર્યવાહી કરવામાં આવી રહી છે. 

અત્રે ઉલ્લેખનીય છે કે, સલાયા વિસ્તાર દાણચોરો માટે કુખ્યાત છે. સલાયાના માર્ગે મોટા પ્રમાણમાં દાણચોરી થાય છે. એટીએસને માહિતી હતી કે દરિયાઇ માર્ગે 4 કિલો હેરોઇનનો જથ્થો સલાયાનાં કિનારે ઉતર્રયો છે. હાલ તો આ ડ્રગ્સ ક્યાંથી આવ્યું હતું અને તેને ક્યાં પાર્સલ મોકલવાનું હતું તે અંગે તપાસ ચાલી રહી છે.