સુરતમાં દિવાળીના તહેવાર પર ડ્રગ્સની હેરાફેરી કરતા 4 શખ્સો લાખોના મુદ્દામાલ સાથે ઝડપાયા

ચેતન પટેલ, સુરતઃ મુંબઈથી સુરત લાવવામાં આવતા ડ્રગ્સના જથ્થા સાથે ચાર આરોપીઓને એસઓજી પોલીસે ઝડપી પાડ્યા હતા. જેમની પાસેથી પોલીસે 59 ગ્રામનો ડ્રગ્સનો જથ્થો અને ફોર વહીલ મળી કુલ્લે 66.67 લાખનો મુદ્દામાલ કબ્જે કર્યો હતો. સુરત પોલીસ દ્વારા ડ્રગ્સનો વ્યાપાર કરનાર લોકોને જેલના સળિયા પાછળ ધકેલી દીધા છે અને દિવાળીના પર્વમાં ડ્રગ્સની કિંમત પણ સૌથી ઉંચી આવી રહી છે. ત્યારે આ વાતનો લાભ લઈ આ આરોપીઓએ મુંબઈથી કાર મારફતે સુરત લાવવાના હતા.

સુરત શહેર પોલીસ દ્વારા NO DUGS IN SLOT CITY” ના અભિયાનને સફળ બનાવવા અને સુરત શહેરમાંથી નાર્કોટિકસની બદીને સંપૂર્ણ નેસ્ત નાબુદ કરાવવા માટે સુરત શહેરમાં અન્ય રાજયોમાંથી ચોરી છુપીથી નાર્કોટિક્સ ડ્રગ્સ લાવી સુરત શહેરમાં ઘુસાડી યુવાધનને નશાના અંધકારમાં ધકેલવાની પ્રવૃતી કરતા ઈસમો ઉપર વોચ રાખી તેવી પ્રવૃતી અટકાવવા કડક હાથે ઝુબેશ સ્વરૂપે કામગીરી કરવા માટે ખાપેલ સખ્ત સુચના આપવામાં આવી હતી. દરમિયાન એસઓજી પોલીસને બાતમી મળી હતી કે સુરત કોટ વિસ્તારમાં રહેતા ચાર ઈસમો મહારાષ્ટ્ર-મુંબઈ ખાતેથી મેફેડ્રોન (એમ.ડી.) ડ્રગ્સની હેરાફેરી કરે છે અને તેઓ મુંબઈ ખાતે ડ્રગ્સનો મોટો જથ્થો લેવા ગયેલ હોવાની હકીકત મળી હતી અને આ ડ્રગ્સ સુરત લઈને આવી રહ્યા છે. 

આ પણ વાંચોઃ દિવાળી પર જ પત્નીને મોતને ઘાટ ઉતારી, આખું મર્ડર વીડિયોમાં કેદ થયું

જે બાતમીના આધારે એસઓજી પોલીસે સચિન વિસ્તારમાં વોચ ગોઠવી કારની અટકાયત કરી હતી. જેની તપાસ કરતા કાર માંથી રૂ 59 લાખ ની કિંમતના 590 ગ્રામ મેકદ્રોણ મળી આવ્યું હતું. જેથી પોલીસે ડ્રગ્સ અને કાર મળી કુલ્લે રૂ 66.67 લાખનો મુદ્દામાલ કબ્જે કર્યો હતો. પોલીસ પૂછપરછમાં તેમને પોતાનું નામ અઝરૂદ્દીન ઉર્ફે કેલા 5/0 હસનોદ્દીન શેખ, મો.રીવાન ઉર્ફે સ્માર્ટી, મો.હિંદ મો.આરીફ શેખ અને ઇમરોજ શેખ જણાવ્યું હતું.