જેતપુરમાં મેળામાં ઘૂસી ગયો આખલો, ઘણા લોકોને ઉલાળ્યા, અફરાતફરીનો માહોલ જોવા મળ્યો

રાજકોટઃ સમગ્ર ગુજરાતમાં રખડતા ઢોરનો ત્રાસ દિવસેને દિવસે વધી રહ્યો છે. રખડતા ઢોરને કારણે અકસ્માત થઈ રહ્યાં છે અને લોકોના મોત થઈ રહ્યાં છે. થોડા દિવસ પહેલા તિરંગા યાત્રા દરમિયાન કડીમાં પૂર્વ નાયબ મુખ્યમંત્રી નીતિન પટેલને પણ એક ગાયે પછાડી દીધા હતા. તો હવે જેતપુરમાં ચાલી રહેલા જન્માષ્ટમીના મેળામાં એક આખલો ઘૂસી જતાં નાસભાગ મચી હતી. અચાનક આખલો આવતા લોકોએ બૂમાબૂમ કરી હતી. જેથી આખલો વધુ ભૂરાયો થયો હતો. 

અનેક લોકોને અડફેટે લીધા
જેતપુરમાં ચાલી રહેલા જન્માષ્ટમીના મેળા દરમિયાન શનિવારે રાત્રે આખલો ઘૂસી ગયો હતો. બેકાબૂ બનેલા આખલાએ ઘણા લોકોને શીંગડે ચડાવી પછાડ્યા હતા. અચાનક આખલો આવી જતા લોકોમાં ભયનો માહોલ જોવા મળ્યો હતો. મેળામાં મોટી સંખ્યામાં લોકો હાજર હોવાથી અફરાતફરીનો માહોલ સર્જાયો હતો. 

આ પણ વાંચોઃ મહેસૂલ વિભાગ ભ્રષ્ટાચારનું એપી સેન્ટર, રાજેન્દ્ર ત્રિવેદી પાસેથી ખાતું છીનવ્યા બાદ કોંગ્રેસે લગાવ્યો આરોપ

નોંધનીય છે કે જેતપુરમાં જન્માષ્ટમીના તહેવાર પર મેળાનું આયોજન કરાયું છે. પરંતુ મેળાના મેદાનમાં પણ કોઈ સુરક્ષા ન હોવાથી આખલો અંદર ઘૂસી ગયો હતો. શનિવારે મેળામાં આખલાએ આતંક મચાવ્યો હતો. જેનો વીડિયો પણ સોશિયલ મીડિયા પર વાયરલ થઈ રહ્યો છે. જેતપુર નગરપાલિકાએ આ ઘટના પર કોઈ પ્રતિક્રિયા આપી નથી. 

[[{"fid":"398714","view_mode":"default","fields":{"format":"default","field_file_image_alt_text[und][0][value]":false,"field_file_image_title_text[und][0][value]":false},"type":"media","field_deltas":{"1":{"format":"default","field_file_image_alt_text[und][0][value]":false,"field_file_image_title_text[und][0][value]":false}},"link_text":false,"attributes":{"class":"media-element file-default","data-delta":"1"}}]]

[[{"fid":"398715","view_mode":"default","fields":{"format":"default","field_file_image_alt_text[und][0][value]":false,"field_file_image_title_text[und][0][value]":false},"type":"media","field_deltas":{"2":{"format":"default","field_file_image_alt_text[und][0][value]":false,"field_file_image_title_text[und][0][value]":false}},"link_text":false,"attributes":{"class":"media-element file-default","data-delta":"2"}}]]

મેળામાં અચાનક આવેલા આખલાને શાંત કરવા માટે લોકોએ તેને બહાર કાઢવા માટે પાણી છાંડ્યું હતું. આખલાને કારણે મેળામાં નાસભાગ જોવા મળી હતી. આખલાએ મેળામાં રહેલા સ્ટોલને પણ નુકસાન પહોંચાડ્યું હતું. તો લોકોને અડફેટે લીધા હતા. બેરિકેડને પણ શીંગડા મારી આળખો ધમપછાડા કરે છે. આખલાને જોતા મેળામાં રહેલા બાળકોમાં પણ ભયનો માહોલ જોવા મળ્યો હતો.