જામનગરઃ ગીર સોમનાથ અને જૂનાગઢ જિલ્લામાં ભલે મેઘમહેર છે, પણ જામનગર પંથકમાં હજુ સારો વરસાદ પડ્યો નથી. સારા વરસાદના કારણે ખેડૂતો પાક નિષ્ફળ જવાની ચિંતામાં છે. આવી જ ચિંતામાં જામનગરના ધ્રોલના દેડકદડ ગામના ખેડૂતે ગળેફાંસો ખાઈ આપઘાત કરી લીધો છે. દેવસિંહ જાડેજા નામના આ ખેડૂત ઘણાં દિવસથી ઓછા વરસાદને લઈ ચિંતામાં હતા. તેમાં પણ આસપાસના લોકોએ વાવેતર નિષ્ફળ જવા, વરસાદ સારો નહીં થવા અને વળતર નહીં મળવાની વાતો કહેતા તેઓ ચિંતામાં હતા. આ કારણે તેમણે ફાંસો ખાઈ આપઘાત કરી લીધો છે.