યુવતીનાં કપડાં ના ઉતારી શકતાં રોમિયોએ પોતાના ઉતારી દીધા, અમદાવાદમાં ઘરના ધાબે ઘટી ઘટના

ઉદય રંજન, અમદાવાદઃ અમદાવાદમાં એક એવી ઘટના સામે આવી છે કે આજના મા-બાપ માટે આ ચેતવણી સમાન કિસ્સો છે. ઠક્કરનગરમાં 19 વર્ષીય યુવતી સાથે છેડતીની ઘટના ઘટી છે. પાડોશમાં રહેતા યુવકે હાથ પકડી સાથે આવવા માટે જબરદસ્તી કરી હતી. આ બાબતે યુવતીએ ઈન્કાર કરતા તેણે પોતાના કપડા ઉતારી દીધા હતા. જેથી યુવતીએ ગભરાઈ જઈને  બુમાબુમ કરતા આરોપી યુવક ફરાર થઈ ગયો હતો. આ અંગે કૃષ્ણનગર પોલીસે છેડતીની ફરિયાદ નોંધી વધુ કાર્યવાહી હાથ ધરી છે. 

આ અંગેની વિગતો એવી છે કે ઠકકરબાપા નગરમાં વસંનગરના છાપરામાં રહેતી એક યુવતી ઘરનું કામકાજ પતાવીને સવારના 9 વાગ્યાના સુમારે કપડાં ધોઈને ઘરના ધાબા પર કપડાં સૂકવવા માટે ગઈ હતી. આ સમયે ઘરનો પડોશી મનજી ચેતનભાઈ ચારણ તેના ઘરની સીડી પર બેઠેલો હતો. જેવી યુવતી કપડાં સૂકવવા લાગી એને દોડીને આવીને યુવતીનો હાથ પકડી લીધો હતો. 

આ પણ વાંચોઃ પ્રેમ સંબંધ રાખવાની ના પાડતા ઉશ્કેરાયેલા પ્રેમીએ યુવતીને માર્યો ધક્કો, થયું મોત

યુવતીને એ ખેંચી જવા માગતો હતો પણ યુવતીએ આ જબરદસ્તી સામે અવાજ ઉઠાવતાં યુવતીની કપડાં ઉતારવાની મનોકામના રાખતા મનજી ચારણે પોતાના કપડાં જ ઉતારી દીધા હતા. ગભરાઈ ગયેલી આ યુવતીએ બુમાબુમ કરતાં તેની માતા અને ભાઈ દોડી આવ્યા હતા. આ દરમિયાન મનજી ભાગી ગયો હતો. આ અંગે  મહિલા હેલ્પલાઈનમાં ફોન કરતાં પોલીસ દોડી આવી હતી. આમ એક યુતી પોતાના ઘરના ધાબા પર કપડાં સૂકવી રહી હતી. એ સમયે જ તેની સાથે ખરાબ ઈરાદે આવેલા યુવકે યુવતીની છેડતીનો પ્રયાસ કર્યો હતો પણ યુવતીએ મચક ના આપતાં આખરે તે ભાગી ગયો હતો. આ અંગે પોલીસ સ્ટેશનમાં ફરિયાદ નોંધાઈ છે.