અમદાવાદમાં 10મા માળેથી નવજાત બાળકનો કરાયો ઘા, બાળક કોનું અને હત્યા કોને કરી તે અકબંધ

ઉદય રંજન/અમદાવાદ: શહેરના ચાંદખેડામાં નવજાત બાળકની હત્યાનો બનાવ સામે આવતા ચકચાર મચી ગઇ છે. પોલીસને શંકા છે કે બાળકને 10 માળેથી નીચે ફેંકી કરી હત્યા કરી દેવામાં આવી છે. પોલીસ એફએસએલની મદદ લઈ તપાસ શરૂ કરી છે.

અમદાવાદના ચાંદખેડા વિસ્તારમાં આવેલ સ્કાય વોક એપાર્ટમેન્ટના સિકયુરિટી ગાર્ડ દ્વારા પોલીસને મેસેજ મળ્યો કે એક નવજાત બાળકની લાશ મળી છે. જેથી પોલીસ તાત્કાલિક જઈ તપાસ શરૂ કરી અને જાણવા મળ્યું કે કોઈ અજાણ્યા વ્યક્તિએ બાળકને 10માં માળ અથવા છત ઉપરથી ફેંકીને હત્યા કરી છે. પોલીસને તપાસમાં સામે આવ્યું કે 9માં મળે ફેંકતી વખતે બાળક સેડ ઉપર બાળકના લોહીનું નિશાન મળી આવ્યું છે.

મળતી માહિતી પ્રમાણે બાળકને જન્મના 1-2 દિવસ થયા હોય શકે છે. જેથી પોલીસે એપાર્ટમેન્ટમાં તમામ બલોકમાં તપાસ શરૂ કરી છે અને એપાર્ટમેન્ટમાં કોઈ મહિલા ગર્ભવતી હતી કે કેમ? શું કોઈ બહારથી આવીને બાળકની હત્યા કરી છે. બાળકની હત્યા પાછળનું કારણ શું છે તે તમામ દિશાઓમાં તપાસ શરૂ કરવામાં આવી છે.

જોકે પોલીસના માટે 2-3 કારણો હોઈ શકે છે. જેમાં ઘર કંકાસ પણ હોઇ શકે છે. મહત્વનું છે કે બાળકનો જન્મ ઘરમાં થયું હોય એવું પણ સામે આવી રહ્યું છે.