અમદાવાદ-મુંબઈ બુલેટ ટ્રેન પ્રોજેક્ટમાં મોટું વિઘ્ન! પીલર ખોદવાનું કરોડોનું મશીન ખાડીના પાણીમાં ગરકાવ

ઝી બ્યુરો/અમદાવાદ: અમદાવાદ મુંબઈ બુલેટ ટ્રેન પ્રોજેક્ટના કામ દરમિયાન એક ગંભીર ઘટના બની છે. જેમાં બુલેટ ટ્રેન પ્રોજેક્ટના પીલર ખોદવાનું કામ કરતું કરોડો રૂપિયાનું મશીન ખાડીના પાણીમાં ખાબકયુ છે. આ સમગ્ર ઘટનાનો વિડીયો અત્યારે વાયરલ થઈ રહ્યો છે. લાંબા સમયથી કરોડોનું મશીન પાણીમાં પડ્યું હોવાથી એજન્સીને તો લાખોનું નુકસાન થઈ રહ્યું છે. સાથે પ્રોજેક્ટના કામને પણ અસર થઈ રહી છે.

બનાવની વિગત મુજબ અમદાવાદ મુંબઈ બુલેટ ટ્રેન પ્રોજેક્ટનું કામ તે તેજ ગતિથી ચાલી રહ્યું હતું. આ દરમિયાન વાપીના વારોના ખાડા ખોદતી વખતે ખાડી નજીક આ પ્રોજેક્ટના ચાલી રહેલ કામના પીલવાનું કરોડનું મશીન ખાડી પર બનાવેલ હંગામી પુલ પરથી પસાર થઈ રહ્યું હતું. એ દરમિયાન જ અચાનક મશીન નમી ગયું અને કરોડોનું મશીન પાણીમાં ખાબકી ગયું હતું. 

જોકે સદનસીબે મશીનના ઓપરેટરનો ચમત્કારિક બચાવ થયો હતો. પરંતુ લાંબા સમયથી આ મશીન પાણીમાં પડ્યું હોવા છતાં પણ સંબંધિત વિભાગ દ્વારા આ મશીનનું કામ કરતી કોન્ટ્રાક્ટર એજન્સીને કોઈ મદદ નહીં મળતા અત્યાર સુધી એજન્સીને તો લાખો નું નુકસાન થઈ રહ્યું છે. પરંતુ સાથે વડાપ્રધાનના ડ્રીમ પ્રોજેક્ટના કામને પણ તેની અસર થઈ રહી છે.