સુરતમાં પોલીસ જોઈ ભાગવાનું યુવકને ભારે પડયું! બાઈક અને કાર વચ્ચે અકસ્માત, બાળકનું મોત

પ્રશાંત ઢીવરે/સુરત: સુરતમાં પોલીસ જોઈ ભાગવાનું યુવકને ભારે પડયું છે. બાઈક અને કાર વચ્ચે અકસ્માત સર્જાતા બાઈક પર બેસેલ બાળકનું મોત નીપજો છે.ઉમરા VR મોલ પાસેથી યુવક બાઈક પર બે બાળક્ને બેસાડીને પસાર થઈ રહ્યો હતો. ટ્રાફિક સિગ્નલ પર પોલીસે બાઈક ચાલકને અટકાવ્યો હતો. લાયસન્સ નહી હોવાથી બાઇક ચાલક પોલીસથી ભાગવા જતા પાછળથી આવી રહેલ કારે ટક્કર મારી હતી.

સુરત શહેરના ઉન પાટિયા વિસ્તારમાં મુસ્તાક સિદ્દીકી લુમ્સ ખાતામાં નોકરી કરી પરિવારનું ગુજરાન ચલાવે છે.તેમના પરિવાર બે દીકરી અને એક દીકરો છે.ગત રોજ તેમનો એકના એક દીકરો શેહઝાજ સંબધી મામા સાથે બાઈક પર ફરવા ગયો હતો.ત્યારે બાઈક ચાલક સહિત બે બાળકો પાછળ બેઠા હતા.બાઈક ચાલક ડુમસ રોડ VR મોલ પાસેથી પસાર થઈ રહ્યો હતો. ટ્રાફિક સિગ્નલ પર પોલીસ ચાલકે બાઈક ચાલક બાબુ અંસારીને પોલીસે અટકાવ્યો હતો.

બાઈક ચાલક બાબુ અંસારીએ જણાવ્યું હતું કે ગત રવિવારના રોજ બાઈક પર બે બાળકો સાથે ફરવા ગયો હતો. દરમિયાન વી.આર મોલ પાસે ટ્રાફિક સિગ્નલ પર પોલીસે અટકાવ્યો હતો. લાયસન્સ નહિ હોવાથી બંને બાળકોને મે નીચે ઉતારવાનું કીધું હતું.તેમાંથી એક બાળક નીચે ઉતરી ગયો હતો ત્યારે બીજો બાળક પાછળ જ બેસ્યો હતો. લાઇસન ના હોવાના કારણે પોલીસ પકડથી હું ભાગવા જતો હતો.

દરમિયાન પાછળથી આવી રહેલ કારે અડફેટે લેતા અકસ્માત સર્જાયો હતો. બાળકને ગંભીરી ઈજાઓ પહોંચી હતી. તેને સારવાર અર્થે અમે ખાનગી હોસ્પિટલમાં લઈ ગયા હતા. જ્યાં તેનો ટૂંકી સારવાર બાદ મોત નિપજ્યું હતું. મારી તો ભૂલ થઈ છે. પરંતુ કાર ચાલકે પાછળથી અડફેટે લેતા તેની પણ ભૂલ છે. પોલીસે સખત કાર્યવાહિ કરવી જોઈએ.