પત્નીની હત્યા કરીને ભાગી ગયેલા પતિની 18 વર્ષ બાદ મધ્ય પ્રદેશથી ધરપકડ

જાવેદ સૈયદ, અમદાવાદ: 18 વર્ષ પહેલા શહેરમાં બનેલી ઓનર કિલિંગની એક ઘટનામાં અંતે પતિની ધરપકડ કરાઇ છે. બાળપણમાં સગા કાકા જ બળાત્કાર ગુજારતા હોવાની પત્નીની વાતોથી કંટાળેલા પતિએ અંતે પત્નીનું ગળુ દબાવી દીધુ. એટલું જ નહીં તેના પિતરાઈ ભાઇને પણ પત્નીની હત્યા કરવા માટે ઉશ્કેર્યો હતો. 

નરોડામાં બનેલી ડબલ મર્ડરની આ ઘટનામાં અંતે ક્રાઇમબ્રાન્ચે ચંબલની ખીણના એક ગામમાં ઓપરેશન કર્યું અને આરોપીને ઝડપી પાડ્યો છે. આરોપી મુનેશ સીંગ ભદોરિયા હીરા ધસવાનું કામ કરતો હતો અને પોતાની પત્ની વંદના સાથે નરોડામાં રહેતો હતો પત્નીને બાળકો થતા નહોતા અને કાકા બળાત્કાર કરતા હોવાથી આરોપીએ પોતાની પત્નીને મોત ને ઘાટ ઉતારી નાખી સાથે એ જ રાતે આરોપીના પિતરાઈ ભાઈ નરેંદ્રસિંગે પણ પોતાની પત્નીના ત્રાસને કારણે પોતાની પત્નીનું પણ ગળું દબાવીને મારી નાખી. આમ બે ભાઈઓએ સાથે મળીને પોતાની બન્ને પત્નીઓને મારીને ભાગી ગયા હતા . આરોપી મુનેશ સીંગ અને તેનો ભાઈ નરેંદ્રસિંગ બે હત્યાઓને અંજામ આપીને પોતાના વતન ભાગી ગયા હતા જેમાં ક્રાઇમ બ્રાન્ચે ચંબલમાં એક ગામમાંથી આરોપી મુનેશ સિંગની ધરપકડ કરી હતી.