Teesta Setalvad Case: તીસ્તા સીતલવાડ સાથે હતી અહમદ પટેલની લિંક? આરોપો પર પુત્રી મુમતાઝ પટેલે કહી આ વાત

વડોદરાઃ તીસ્તા સીતલવાડ સાથે દિવંગત કોંગ્રેસ નેતા અહમદ પટેલની કથિત લિંકના મામલા પર વિવાદ વધી રહ્યો છે. ભાજપે આરોપ લગાવ્યો કે પીએમ મોદીને બદનામ કરવા માટે તીસ્તા સીતલવાડ કોંગ્રેસ નેતા અહમદ પટેલના સંપર્કમાં હતી. ભાજપના આરોપો પર અહમદ પટેલની પુત્રી મમતાઝ પટેલે પોતાનો પક્ષ રાખ્યો છે. તેણે ભાજપના આરોપોને નિરાધાર ગણાવતા કહ્યું કે આ બધુ એટલા માટે થઈ રહ્યું છે કારણ કે ગુજરાત ચૂંટણી નજીક છે. તેણે સવાલ કર્યો કે જો આવું કંઈ હતું તો ત્યારે એજન્સીએ મારા પિતાની કેમ પૂછપરછ ન કરી?

મુમતાઝે લગાવ્યો રાજકીય ષડયંત્રનો આરોપ
મુમતાઝ પટેલે કહ્યું કે નિધન બાદ દિગ્ગજ (અહમદ પટેલ) નું નામ મહત્વ રાખે છે. તેમણે તીસ્તા સીતલવાડ સાથે અહમદ પટેલની લિંક જોડવા પર રાજકીય ષડયંત્ર માટે તેમનો (અહમદ પટેલ) ઉપયોગ કરવાનો આરોપ લગાવ્યો. મમતાઝ પટેલે પૂછ્યું કે અધિકારીઓ દ્વારા આ દાવા પર તેમના પિતાની પૂછપરછ કેમ કરવામાં આવી નહીં. 

SIT નો ચોંકાવનારો દાવો
નોંધનીય છે કે આ મામલામાં ગુજરાત પોલીસની એક વિશેષ તપાસ ટીમ પત્રકાર તીસ્તા સીતલવાડની ભૂમિકાની તપાસ કરી રહી છે. દાવો કરવામાં આવ્યો કે તીસ્તા સીતલવાડને અહમદ પટેલ પાસેથી પૈસા મળ્યા હતા. એસઆઈટીએ પોતાના એફિડેવિટમાં દાવો કર્યો કે સીતલવાડ 2022ના તોફાનોમાં લોકોને ખોટા ફસાવી ગુજરાત સરકારને અસ્થિત કરવાના એક મોટા ષડયંત્રનો ભાગ હતી.