અર્પણ કાયદાવાલા/અમદાવાદ :કોઈ વિચારી પણ નહિ શકે કે આખા અમદાવાદનો કચરો એક દિવસે તંત્રને કરોડો રૂપિયાની કમાણી કરી આપશે. એક સમયની Amc ની વિવાદિત પીરાણા ડમ્પ સાઈટ હવે તંત્ર માટે મોટી આવકનું સાધન બી છે. આખરે તંત્રની કામગીરીનું પરિણામ મળવાનું શરૂ થયુ છે. કચરામાંથી નીકળતી માટીના ઉપયોગથી કોર્પોરેશનને કુલ રૂ.15 કરોડની આવક થઈ છે. 


COMMERCIAL BREAK
SCROLL TO CONTINUE READING

કોર્પોરેશનનો પીરાણા ડમ્પિંગ સાઈટ પર વેસ્ટ ટુ બેસ્ટ કરવાનો પ્રોજેક્ટ બહુ લકી સાબિત થયો છે. આ પ્રોજેક્ટ હવે કરોડોની કમાણી કરતો થયો છે. તો બીજી તરફ, એક ઉપર એક થઈ રહેલા કચરાના ઢગલા પણ ઘટી રહ્યાં છે. આમ, કોર્પોરેશન માટે આ કચરો કમાણીનુ સાધન બન્યો છે. પીરાણા સાઈડ પરનો 3 ડમ્પ પૈકીનો અજમેરી ડમ્પ સાફ કરાયો છે. જેમાં 35 એકર જમીન ખુલ્લી કરીને 45 લાખ મેટ્રિક ટન કચરાનો નિકાલ કરાયો છે. 


આ પણ વાંચો : પ્રેમી સાથે રંગરેલિયા મનાવ્યા બાદ વિદ્યાર્થીની થઈ ગર્ભવતી, હોસ્ટેલના બાથરૂમમાં બાળકને જન્મ આપી ફેંકી દીધું


કેટલી આવક થઈ
કચરામાંથી નીકળતી માટીના ઉપયોગથી અમદાવાદ કોર્પોરેશનને કુલ રૂ.15 કરોડની આવક થઈ છે. 8 લાખ મેટ્રિક ટન માટી રિવરફ્રન્ટ પ્રોજેકટમાં આપી, જેમાં રૂ.11 કરોડની આવક થઈ. તો સાબરમતી આશ્રમ પ્રોજેક્ટ માટે આપેલી 4 લાખ મેટ્રિક ટન  માટીથી 2 કરોડથી વધુની આવક થઈ છે. ડમ્પ સાઈટ પરથી ગામડાના લોકોને 4 થી 5 લાખ મેટ્રિક ટન માટી અપાઇ છે. Amc ના વિવિધ પ્રોજેકટ માટે દોઢ લાખ મેટ્રિક ટન માટી અપાઈ છે. આમ, કચરામાંથી કંચન રૂપી આવક થઈ રહી છે. 


આ પણ વાંચો : એક ગૃહિણીની વ્યથા, ‘મારા પતિનો પગાર ન વધ્યો, પણ દરેક વસ્તુના ભાવ વધ્યા, સ્થિતિ આટલી કફોડી ક્યારેય નહોતી બની’


હાલ હાઈ ડમ્પ ખાલી કરવાની કામગીરી ચાલુ છે. અમદાવાદ કોર્પોરેશન દ્વારા અત્યાર સુધી 52 લાખ મેટ્રિક ટન કચરાના નિકાલ માટે 24 કરોડનો ખર્ચ કરાયો છે. આ વિશે સોલિડ વેસ્ટ મેનેજમેન્ટના ડાયરેક્ટર હર્ષદ સોલંકી જણાવે છે કે, અનેક વિવાદ અને આરોપ વચ્ચે અમે કામ કર્યું, ડમ્પ સાઈટ પરથી અત્યારે દરરોજ 1 હજાર મેટ્રિક ટન કચરાનો નિકાલ કરવામાં આવે છે. આજે 500 કરોડની કિંમતની જમીન ખુલ્લી થઈ છે. 24 કરોડના પ્રોજેક્ટની સામે 14 થી 15 કરોડની આવક થઈ છે. અમે નવા 2 વે બ્રિજ બનાવીને કામ ઝડપથી કરવા માંગી રહ્યા છે, દોઢ વર્ષમાં સાઈટ ક્લિયર કરીશું. 


આ પણ વાંચો : વડોદરા પાલિકા ફરી મજાક ઉડી, વહીવટી વોર્ડ ઓફિસના નામે ખાલી ખોખા ઉભા કરી દેવાયા