ગુજરાતમાં વરસાદના ત્રીજા રાઉન્ડ માટે તૈયાર રહો : અંબાલાલ પટેલે કહ્યું, દરિયાને કારણે ગુજરાત પર આવશે મોટું સંકટ

Ambalal Patel Monsoon Prediction : આ વખતે જુલાઈ મહિનો ભારે સાબિત થયો છે. જુલાઈ મહિનામાં એક બાદ એક વરસાદના રાઉન્ડ આવી રહ્યાં છે. પહેલા બે રાઉન્ડમાં વરસાદે ભારે આતશબાજી કરી. ત્યારે હવે ત્રીજો રાઉન્ડ પણ આવી ગયો છે. ગુજરાતમાં હવે વરસાદના ત્રીજા રાઉન્ડ માટે તૈયાર રહેવું પડશે. હવામાન નિષ્ણાત અંબાલાલ પટેલે ફરી એકવાર આગાહી કરી કે, 15 જુલાઈથી 23 જુલાઈમાં દેશ સહિત રાજ્યના ભાગોમાં ભારે વરસાદની સંભાવના છે. ગુજરાતમાં હજી પણ ભારેથી અતિભારે વરસાદની આગાહી છે. 

ગુજરાત વિશે આગાહી કરતા અંબાલાલ પટેલે જણાવ્યું કે, ગુજરાતમાં હાલ એક-બે નહિ, પરંતુ ત્રણ વરસાદી સિસ્ટમ સક્રિય છે. તો સાથે જ સમુદ્રના કાંઠે તાપમાન ઉંચુ રહેવાને કારણે વાતાવરણમાં મોટી હલચલ થઈ રહી છે. તેની અસરના ભાગરૂપે ગુજરાતમાં 10 થી12 જુલાઈની વચ્ચે દરિયામાં ભારે પવન ફૂંકાશે. ઉત્તર ગુજરાત, મધ્ય ગુજરાત અને સૌરાષ્ટ્રમાં પણ ભારે પવન ફૂંકાવાની શક્યતા છે. 10 થી 12 જુલાઈમાં વાતાવરણ વિશિષ્ટ રહેશે.