`મામાના ઘરે હવે શ્રીખંડ-પુરી ખાવા નહીં મળે`; સીંગતેલમાં ફરી થયો વધારો, જાણો છેલ્લા ત્રણ દિવસમાં કેટલો વધારો નોંધાયો

ઝી બ્યુરો/રાજકોટ: ગુજરાતમાં કાળઝાળ ગરમીની વચ્ચે સીંગતેલમાં આગ ઝરતી તેજી જોવા મળી રહી છે. ત્રણ દિવસમાં સીંગતેલના ડબ્બાના ભાવમાં રૂપિયા 100નો વધારો નોંધાયો છે. સીંગતેલ ડબ્બાના ભાવ 2860થી 2910 થયા છે. લગ્નસરા સીઝનની ઇફેક્ટ ભાવવધારા માટે કારણભૂત હોવાનું મનાઈ રહ્યું છે. સાઈડતેલોના ભાવમાં વધારા કોઈ મોટો તફાવત જોવા મળ્યો નથી.

સીંગતેલનો ડબ્બાનો ભાવ 2860 થી 2910 થયા
સીંગતેલમાં ભાવમાં સતત તેજી જોવા મળી છે. કપાસિયા તેલના ડબ્બાના ભાવમાં છેલ્લા એક સપ્તાહમાં 50 થી 60 રૂપિયાનો વધારો થઈ રહ્યો છે. તો તેને પગલે પામ ઓઇલ સનફ્લાવર ઓઇલ સહિતના સાઈડ તેલમાં પણ 40થી 50 રૂપિયાનો વધારો જોવા મળ્યો છે. સીંગતેલના ભાવમાં 100નો વધારો જોવા મળ્યો છે. પામ તેલના ડબ્બાનો ભાવ 1525થી 1530 રૂપિયા પહોંચી ગયો છે. સનફ્લાવર તેલના ડબ્બાના 1620થી 1660 થઈ ગયા છે. મગફળી, કપાસની ઓછી આવક માવઠા સહિતના કારણો આગળ ધરી ખાદ્યતેલોના ભાવમાં ધરખમ ઉછાળો જોવા મળ્યો છે. 

તેલીયા રાજાઓનું કહેવું છે કે મગફળી કપાસની હાલ યાર્ડમાં ઓછી આવક છે. તેમજ હાલમાં જે કમોસમી વરસાદ પડ્યો છે. તેના કારણે ઉનાળુ પાકને પણ અસર પહોંચી છે. જે સહિતના કારણો આગળ ધરી ખાદ્યતેલોમાં ફરી એક વખત આગ ઝરતી તેજી જોવા મળી રહી છે.