અમિત શાહે વિદ્યાર્થીઓને કીધું, `ભલે તમે કોઈ પણ ભાષામાં અભ્યાસ કરો, પરંતુ ઘરમાં માતૃભાષાને જીવિત રાખજો`

ગાંધીનગર: કેન્દ્રીય ગૃહ અને સહકાર મંત્રી અમિત શાહે આજે નેશનલ ફોરેન્સિક સાયન્સિસ યુનિવર્સીટી(NFSU ) ના પ્રથમ દીક્ષાંત સમારોહમાં હાજરી આપી. આ કાર્યક્રમમાં ગૃહમંત્રી અમિત શાહ સાથે ગુજરાત હાઇકોર્ટના ચીફ જસ્ટિસ અરવિંદ કુમાર, રાજેન્દ્ર ત્રિવેદી, કાયદા અને ન્યાય મંત્રી; જીતુભાઈ વાઘાણી, શિક્ષણ, વિજ્ઞાન અને ટેકનોલોજી મંત્રી અને શહર્ષ સંઘવી, ગૃહ રાજ્ય મંત્રી, વિન્સેન્ટ સેમ્પિજ્જા, માનનીય સંરક્ષણ મંત્રી અને વેટરન અફેર્સ, યુગાન્ડા અને અજય કુમાર ભલ્લા, કેન્દ્રીય ગૃહ સચિવ ઉપસ્થિત રહ્યા. 

NFSU ના આ પ્રથમ દીક્ષાંત સમારોહમાં વર્ષ 2019-21 અને 2020-22 ના ટોપર્સને ગૃહ મંત્રીએ ગોલ્ડ મેડલ એનાયત કર્યા. કુલ 65 વિદ્યાર્થીઓને ગોલ્ડ મેડલ,10 વિદ્યાર્થીઓને Phd ડિગ્રી અને એક વિદ્યાર્થીને DSC, 1098 વિદ્યાર્થીઓને માસ્ટર્સ ડિગ્રી એનાયત કરવામાં આવી. કોન્વોકેશનમાં વિદેશી પ્રતિનિધિ પણ ભાગ લીધો હતો.