ગુજરાત પેટા ચૂંટણીમાં ભાજપનું ક્લિન સ્વિપ: જાણો કોને કેટલા મત મળ્યા, કેટલી લીડથી જીત્યું તમામ આંકડાકીય માહિતી

અમદાવાદ : ગુજરાત વિધાનસભાની પેટા ચૂંટણીની તમામ 8 બેઠકો પર ભાજપનો વિજય થયો છે. જેના પગલે ભાજપ મુખ્ય કાર્યાલય અને તમામ સ્થાનિક કાર્યાલયે વિજયોત્સવ જેવો માહોલ છે. જ્યારે કોંગ્રેસના કાર્યાલય પર સન્નાટો જોવા મળી રહ્યો છે. વોટ શેરિંગની વાત કરીએતો આઠ બેઠકો પર ભાજપને કુલ 55 ટકા જેટલા મત મળ્યા છે. જ્યારે કોંગ્રેસને માત્ર 34.4 ટકા મત મળ્યા છે. આ બેઠકો પર 8.46 ટકા મત અન્ય ઉમેદવારોને જ્યારે 2.16 ટકા મત નોટાને પડ્યા છે. 

કરજણમાં સૌથી વધારે નોટાને મત પડ્યા
કરજણ બેઠક પર ભાજપ કોંગ્રેસ ઉપરાંત 7 ઉમેદવારોને નોટા કરતા પણ ઓછા મત મળ્યા છે. કરજણ બેઠક પર 2262 મતદારોએ નોટા એટલે કે નન ઓફ ધ અબોવનું બટન દબાવીને કોઇ પણ ઉમેદવારને પસંદ કર્યો નહોતો. બાકીના 7 ઉમેદવારને એક હજાર કરતા પણ ઓછા મત મળ્યા હતા. 7 ઉમેદવારને નોટા કરતા અડધા મત પણ મળ્યા નથી. વડોદરા જિલ્લાની કરજણ બેઠકની પેટા ચૂંટણીમાં ભાજપના ઉમેદવાર અક્ષય પટેલનું 16 હજાર કરતા વધારે મતથી વિજય થયો હતો. 

વિધાનસભા પેટા ચૂંટણી 2020
જાહેર થયેલા પેટા ચૂંટણી પરિણામોની વિગત
ક્રમ	વિધાનસભાનું નામ	ભાજપ ઉમેદવાર	કોંગ્રેસ ઉમેદવાર	વિજેતા પક્ષ	કુલ મતદાન	મતદાન ટકાવારી	ભાજપના મત	કોંગ્રેસના મત	સરસાઇ
1	1- અબડાસા	પ્રદ્યુમનસિંહ જાડેજા	શાંતિલાલ સેંધાણી	ભાજપ	1,45,736	62.08	71,848	35,070	36,778
2	61- લીંબડી	કિરીટસિંહ રાણા	ચેતન ખાચર	ભાજપ	1,59,052	58.55	88,928	56,878	32,050
3	65 - મોરબી	બ્રિજેશ મેરજા	જયંતી પટેલ	ભાજપ	1,43,352	52.81	64,711	60,062	4649
4	94 - ધારી	જે.વી કાકડીયા	સુરેશ કોટડિયા	ભાજપ	1,00,172	45.95	49,974	32,765	17,209
5	106 - ગઢડા (S.T)	આત્મારામ પરમાર	મોહન સોલંકી	ભાજપ	1,26,745	50.49	70,886	48,291	22,595
6	147 - કરજણ	અક્ષય પટેલ	કિરીટસિંહ જાડેજા	ભાજપ	1,43,523	70.14	76,958	60,533	16,425
7	173 - ડાંગ (S.T)	વિજય પટેલ	સૂર્યકાંત ગાવિત	ભાજપ	1,35,098	75.82	94,006	33,911	60,095
7	181 - કપરાડા (S.T)	જીતુ ચૌધરી	બાબુ વરઠા	ભાજપ	1,91,413	77.89	1,12,941	65,875	47,066
સરેરાશ કુલ						60.69