દાદરાનગર હવેલીની પેટાચૂંટણી હાર્યું ભાજપ, શિવસેનાની જીત થઈ, શું મોંઘવારી નડી ગઈ?

દેશના 13 રાજ્યો અને કેન્દ્ર શાસિત પ્રદેશની ત્રણ લોકસભા બેઠક અને 29 વિધાનસભા બેઠક પર 30 ઓક્ટોબરે પેટાચૂંટણી (gujarat byelection) હેઠળ મતદાન થયુ હતુ. જેની મતગણતરી ગઈકાલે થઈ હતી. દાદરા અને નગર હવેલી (dadra nagar haveli) લોકસભા બેઠક પર લોકસભાની પેટાચૂંટણીમાં શિવસેનાની જીત થઈ છે. આ પેટાચૂંટણીમાં ભાજપની કારમી હાર થઈ છે. અપક્ષ સાંસદ મોહન ડેલકરના નિધનના પગલે ખાલી પડેલી બેઠક પર તેના જ પત્ની કલાબેન ડેલકરે જીત મેળવી છે. આ સાથે જ ડેલકર પરિવારે પોતાનો દબદબો યથાવત રાખ્યો છે. કલાબેન ડેલકર 51 હજારથી વધુ મતથી જીત્યા છે.