પાટણ: ચાણસ્મા -મહેસાણા રોડ પર સર્જાયો ત્રિપલ અકસ્માત, 3ના મોત

પ્રેમલ ત્રિવેદી/પાટણ : ચાણસ્મા-મહેસાણા રોડ પર મીઠાધરવા નજીક ટ્રિપલ અકસ્માત સર્જાયો હતો. બસ,રીક્ષા,અને બોલેરો ગાડી વચ્ચે અકસ્માત થતા ઘટના સ્થળે 2 લોકોના મોત થયા છે. જ્યારે 1 વ્યક્તિનું સારાવાર દરમિયાન મોત થયું છે. ઘટનાની જાણ થતા મોટી સંખ્યામાં રોડ પર ટ્રાફિકજામની સ્થિતિ સર્જાઇ હતી.

એસટી બસ સાથે રીક્ષા અને બોલેરો ગાડીની ટક્કર થતા રીક્ષામાં સવાર 2 લોકોના ઘટના સ્થળે જ મોત થયા હતા. ઇજાગ્રસ્તોને સારવાર અર્થે મહેસાણા ખાતે હોસ્પિટલમાં ખસેડવામાં આવ્યા હતા. જેમાંથી એક વ્યક્તિનું સારવાર દરમિયાન મોત થયું હતું. અકસ્માતમાં થયેલા મોતનો આંકડો 3 થયો હતો. આ ઘટના બનતા પોલીસનો કાફલો ઘટના સ્થળે પહોંચ્યો હતો.

મહેસાણા-ચાણસ્મા-પાટણ બસની અકસ્માત નડ્યો હતો. જેથી ઘટના સ્થળે રીક્ષામાં સવાર 2 લોકોના મોત થયા હતા. બસની ટક્કરે રીક્ષાનો કુચ્ચો બોલી ગયો અને તેની સાથે એક બોલેરો ગાડીનો પણ અકસ્મતા થયો હતો. બોલેરોમાં સવાર લોકો પણ આ અકસ્માતમાં ગંભીર રીતે ઘાયલ થયા છે. ઘાયલોને મહેસાણા ખાતે હોસ્પિટલમાં સારવાર આપવામાં આવી રહી છે.