આ Video જોઈને કહેશો શું શાનદાર કેચ છે, ત્રીજા માળથી પડતા બાળકને કેચ કરીને બચાવી લેવાયો

જય પટેલ/દમણ :દમણ (Daman) માં એક રોમાંચક ઘટના બની હતી. ત્રીજા માળથી પડી રહેલા બાળકનો આબાદ બચાવ થયો હતો. કારણ કે, નીચે ઉભેલા લોકોએ તેને પકડી લીધો હતો. આ ઘટનાનો દિલધડક વીડિયો પણ સામે આવ્યો છે. જેમાં સ્પષ્ટ દેખાય છે કે, કેવી રીતે આંખના પલકારામાં બાળક નીચે પડી રહ્યું છે, અને નીચે ઉભેલુ ટોળુ બાળકને પકડી લે છે. બાળક કેચ કરવાનો દમણનો આ વીડિયો સોશિયલ મીડિયા પર વાઇરલ (Viral Video) થયો છે. 

આમ, બાળકને કેચ કરીને બચાવવાની આ ઘટના તો ક્રિકેટના કેચ કરતા પણ રોમાંચક બની છે. તેથી જ ત્યાં હાજર કોઈ સ્થાનિક આ ઘટનાનો વીડિયો બનાવ્યો હતો, અન તેને સોશિયલ મીડિયા પર શેર કર્યો હતો. ત્યારે બાળકના કેચનો આ વીડિયો ઝડપથી પોપ્યુલર બની રહ્યો છે, તો સાથે જ લોકો કેચ કરનારા યુવકોના વખાણ કરી રહ્યાં છે.