અમદાવાદ: આવકવેરા વિભાગના ક્લાસ 1 અધિકારી 8 લાખની લાંચ લેતા ઝડપાયા

ઉદય રંજન/અમદાવાદ: અમદાવાદમાં આવકવેરા વિભાગના અધિકારી પર ACB એ ટ્રેપ કરી છે. ACBએ છટકુ ગોઠવતા આસિસ્ટન્ટ કમિશનર લાંચ લેતા ઝડપાયા છે. આસિસ્ટન્ટ કમિશનરે 8 લાખની લાંચ માંગતા ACBમાં ફરિયાદ દાખલ થઇ હતી. આસિસ્ટન્ટ કમિશનર સુરેશચંદ્ર મીના સહિત 4 લોકોની ACB એ ધરપકડ કરી છે. 

આ સિવાય અન્ય ત્રણ વ્યક્તિઓની પણ ઘરપકડ કરવમાં આવી છે. જેમાં સુનિલ પટણી નામનો વ્યક્તિ જે પણ આવક વેરા વિભાગમાં છે. સુમિત શ્યામસુંદર સિંઘાનિયા સી.એ આ એક ખાનગી વ્યક્તિછે જેની પત્ની નમિતાબેન સુમિત સિંઘાનીયા પોલીસ દ્વારા ધરપકડ કરી દેવામાં આવી છે. 

આવકવેરામાં એસેસમેન્ટ ન કરવા માટે લાંચ લેવાના કેસમાં ITના આસિસ્ટન્ટ કમિશનર સહિત 3ને એસીબીએ રંગેહાથ ઝડપ્યા હતા. લાંચ પ્રકરણમાં એક વ્યક્તિ ફરાર છે. 8 લાખની લાંચ લેવામાં મદદગારી કરનાર પતિ-પત્ની સહિતના સામે ગુનો નોંધાયો હતો.

વધુ વાંચો...પેપરલિક કાંડના 2 આરોપીઓ પહોંચ્યા GPSCની પરીક્ષા આપવા, લોકોના ટોળા જામ્યા

કયા કયા આરોપી 

• સુરેશચંદ મીના આસિસ્ટન્ટ કમિશનર, વર્ગ-1, આવક વેરા વિભાગ, અમદાવાદ
• સુનિલ પટણી, નોકરી, આવક વેરા વિભાગ, અમદાવાદ
• સુમિત શ્યામસુંદર સિંઘાનિયા સી.એ., ખાનગી વ્યકિત
• નમિતાબેન સુમિત સિંઘાનીયા, સી.એ., ખાનગી વ્યકિત