શું કોંગ્રેસના ડૂબતા જહાજને નરેશ પટેલનો સહારો મળશે? કોંગ્રેસમાં પાટીદાર અગ્રણીને લાવવાની કવાયત તેજ બની
ખોડલધામના પ્રણેતા નરેશ પટેલને દરેક પક્ષ પોતાનામાં લાવવા ખેંચતાણ કરી રહ્યુ છે. ત્યારે હવે ગુજરાતના રાજકારણમાં ‘નરેશ પટેલ કોના’ એવી ચર્ચા ચાલી રહી છે. આપના દાવા બાદ હવે નરેશ પટેલને કોંગ્રેસમાં લાવવાનુ રાજકારણ તેજ બન્યુ છે. કોંગ્રેસના નેતાઓ નરેશ પટેલને પક્ષમાં લાવવા માંગ કરી રહ્યાં છે. નરેશ પટેલની રાજકારણમાં જોડાવાની વાત વચ્ચે નરેશ પટેલ આજે દિલ્હીમાં પહોંચ્યા હોવાનું સૂત્રો દ્વારા જાણવા મળ્યુ છે. હાલ તેઓ સામાજિક પ્રસંગ માટે દિલ્હી ગયા છે. પરંતુ નરેશ પટેલ દિલ્હીમાં રાજકીય મુલાકાતો કરી શકે છે.