Surat News સુરત : લોકસભાની ચૂંટણી હવે દૂર નથી, પાંચ રાજ્યોના પરિણામો બાદ લોકસભા માટેનો માહોલ જામી જશે, ત્યારે ભાજપ અત્યારથી જ ચૂંટણીના મોડમાં આવી ગયું છે. સ્નેહ સંમેલન કાર્યક્રમમાં સી આર પાટીલે ફરી કાર્યકરોને લક્ષ્યાંક યાદ અપાવ્યો છે. ભાજપનો લક્ષ્યાંક ફક્ત તમામ બેઠકો જીતવાનો નહીં, પણ જંગી લીડ સાથે જીતવાનો છે. દિવાળી બાદ ગુજરાત ભાજપમાં સ્નેહ સંમેલન સમારંભોનો દોર ચાલી રહ્યો છે. આ કાર્યક્રમોમાં ભાજપના કાર્યકરો મોટી સંખ્યામાં જોડાય છે. જેને જોતાં કાર્યકરોને કોઈ સંદેશ આપવો હોય તો આ અવસર યોગ્ય છે.. 


COMMERCIAL BREAK
SCROLL TO CONTINUE READING

પાટીલનું કાર્યકર્તાઓને આહવાન
ગુજરાત ભાજપના અધ્યક્ષ સી આર પાટીલ અત્યારે આ જ કરી રહ્યા છે. તેઓ કાર્યકરો અને પદાધિકારીઓને લોકસભાની ચૂંટણી માટે તૈયાર કરી રહ્યા છે. સુરતની ચોર્યાસી વિધાનસભા બેઠક પર યોજાયેલા ભાજપના સ્નેહસંમેલનમાં પાટીલે ફરી લોકસભાની તમામ બેઠકો જીતવાની વાતને દોહરાવી. તેમણે કાર્યકરોને તમામ બેઠકો 5 લાખથી વધુ મતોની લીડ સાથે જીતીને રેકોર્ડ સર્જવા આહ્વાહન કર્યું છે.


ગુજરાતમાં આજે ભારેથી અતિભારે વરસાદની આગાહી, આ જિલ્લાવાળા સાચવજો 


જનસંપર્ક વધારવાની સલાહ
2014 અને 2019માં ભાજપે ગુજરાતમાં લોકસભાની તમામ 26 બેઠકો જીતી હતી. 2019માં ભાજપે 4 લોકસભા બેઠકો પર પાંચ લાખથી વધુ મતોની લીડ મેળવી હતી. જો કે પાટીલ હવે આ લીડને તમામ બેઠકો માટે લાગુ કરવા માગે છે. આ માટે તેમણે કાર્યકરો, પદાધિકારીઓ અને સાંસદ સુધીના ચૂંટાયેલા પ્રતિનિધિઓને અત્યારથી જ જનસંપર્કમાં લાગી જવા કહ્યું છે..


2022ની વિધાનસભા ચૂંટણીમાં પાટીલે તમામ 182 બેઠકો જીતવાનો લક્ષ્યાંક નિર્ધારિત કર્યો હતો. જો કે ભાજપે 156 બેઠકો જીતી હતી, જે પોતાનામાં રેકોર્ડ છે. આ જ તર્જ પર પાટીલે લોકસભામાં પાંચ લાખ મતોની લીડનો લક્ષ્યાંક નિર્ધારિત કર્યો છે. 


ભારે પવન અને વીજળીના ચમકારા તેમજ વાદળોના ગડગડાટ સાથે ભરશિયાળે મેઘસવારી આવી


ગત લોકસભામાં કોણ કેટલી લીડ સાથે જીત્યુ હતું
2019ની લોકસભા ચૂંટણીમાં ભાજપના જે ચાર ઉમેદવારો પાંચ લાખ મતોથી વધુની લીડ સાથે જીત્યા હતા, તેમના પર નજર કરીએ તો, ગાંધીનગર બેઠક પરથી અમિત શાહ 5 લાખ 57 હજાર 14 મતોની લીડ સાથે જીત્યા હતા. વડોદરાથી રંજનબેન ભટ્ટ 5 લાખ 89  હજાર 177 મતોની લીડ સાથે, સુરતથી દર્શનાબેન જરદોષ 5 લાખ 48 હજાર 230 મતોની લીડ સાથે અને નવસારીથી સી આર પાટીલ 6 લાખ 89 હજાર 668 મતોની લીડ સાથે જીત્યા હતા. જે ફ્કત ગુજરાત નહીં પણ દેશના ઈતિહાસમાં સૌથી મોટી લીડ છે.


 


 


ગુજરાત સરકારના આ વિભાગમાં બમ્પર નોકરી નીકળી, ધોરણ10 અને 12 પાસ કરી શકશે એપ્લાય


પાંચ રાજ્યોની ચૂંટણી હવે પૂરી થવા આવી છે. એક સપ્તાહ બાદ ત્રીજી ડિસેમ્બરે પાંચેય રાજ્યોના પરિણામ પણ આવી જશે. નવી સરકારો બનશે અને પછી તુરંત લોકસભાની ચૂંટણીનો માહોલ જામશે. 


2019માં 11 એપ્રિલથી 19મી મે સુધી દેશમાં સામાન્ય ચૂંટણીઓ યોજાઈ હતી. 2024માં પણ આ જ સમય પ્રમાણે ચૂંટણીઓ યોજાય તેવી શક્યતા છે. જેને જોતાં ડિસેમ્બરથી જ ચૂંટણીનો માહોલ જામી જશે. પાંચ રાજ્યોના પરિણામો આ માટેની પીચ તૈયાર કરશે.