આજે નવા મંત્રીઓની શપથવિધિ, ફરી ફાડવાની નોબત ન આવે એટલે તારીખ વગરના બેનર લગાવાયા

આજે બપોરે 1.30 કલાકે ગુજરાતના મુખ્યમંત્રી ભૂપેન્દ્ર પટેલ (Bhupendra Patel) ના નવા મંત્રીમંડળની શપથવિધિ યોજાશે. ગઈકાલે થયેલા ફિયાસ્કા બાદ ગુજરાત ભાજપ હાસ્યાસ્પદ બન્યું છે. શપથવિધિની અંતિમ ઘડીઓમાં ડેમેજ કન્ટ્રોલ ન કરી શકનાર ભાજપે આખરે આખો કાર્યક્રમ રદ કર્યો હતો. જેને કારણે ગઈકાલની તારીખના બેનર પણ ફાડવા પડ્યા હતા. જોકે, આજે તમામ નવા મંત્રીમંડળ (cabinet reshuffle) ની શપથવિધિ બપોરે દોઢ કલાકે રાજભવનમાં યોજાશે. પરંતુ ફરી કોઈ અડચણ આવે અને કાર્યક્રમ રદ થાય તે માટે તારીખ વગરના નવા બેનર બનાવવામાં આવ્યા છે. હાલ રાજભવનમાં શપથવિધિ સમારોહની તૈયારીઓ ચાલી રહી છે.