Gujarat Election: ઓવૈસીના કોંગ્રેસ પર આકરા પ્રહારો, `ભાજપે કોંગ્રેસને ચા પીવડાવીને મનાવી લીધી છે, સાથે મલાઈ પણ છે`

Gujarat Election 2022 AIMIM Chief: ગુજરાત વિધાનસભા ચૂંટણી 2022માં તમામ રાજકીય પક્ષો જોરશોરથી પ્રચાર પ્રસારમાં વ્યસ્ત છે. ત્યારે AIMIMના વડા અસદુદ્દીન ઓવૈસી તાજેતરમાં ગુજરાતના પ્રવાસે છે. આ દરમિયાન અસદુદ્દીન ઓવૈસી ભાજપ, કોંગ્રેસ અને આપ પર નિશાન તાંકી રહ્યા છે. ત્યારે અસદુદ્દીન ઓવૈસીએ ફરી એકવાર કોંગ્રેસ પર આકરા પ્રહારો કરીને ખળભળાટ મચાવ્યો છે.

AIMIM ચીફ અસદુદ્દીન ઓવૈસીએ કોંગ્રેસ પર આકરા પ્રહારો કરતા જણાવ્યું હતું કે, ભાજપે કોંગ્રેસને ચા પીવડાવીને મનાવી લીધી છે. માત્ર ચા જ નહીં પણ તેની સાથે મલાઈ પણ છે. ગુજરાતમાં છેલ્લા 27 વર્ષથી ભારતીય જનતા પાર્ટી જીતે છે તેનું કારણ માત્રને માત્ર કોંગ્રેસ છે. 

ઓવૈસીએ ભાર પૂર્વક જણાવ્યું હતું કે, ગુજરાત કોંગ્રેસે મુસ્લિમ નેતાને ટિકિટ ના આપી એટલે મારે મેદાનમાં આવવું પડ્યું હતું. આ નિવેદન બાદ રાજ્યના રાજકારણમાં ગરમાવો આવી ગયો હતો. તમને જણાવી દઈએ કે, અગાઉ અસદુદ્દીન ઓવૈસીએ જણાવ્યું હતું કે, અમદાવાદના જમાલપુરમાં બંધ ફેક્ટરી ખોલવા માટે જો સાબીર કાબુલીવાલા અને હું  પીએમ મોદીની કારની સામે સૂવું પડશે તો તેઓ સૂઈ જઈશું.