ખેતરમાંથી નગ્ન હાલતમાં મળ્યો યુવતીનો મૃતદેહ, 500 મીટર દૂરથી મળ્યા કપડાં અને બેગ

તેજસ દવે, મહેસાણાઃ મહેસાણા જિલ્લાના વિસનગરમાં બનેલી ઘટનાએ સમગ્ર પંથકમાં ચકચાર જગાવી દીધી છે.  વિસનગર ના બાસણા ગામ નજીક બનાવ બન્યો છે. જેમાં એરંડાના ખેતર માંથી નગ્ન હાલત માં યુવતીનો મૃતદેહ મળી આવ્યો છે. યુવતીની હત્યા પહેલા દુષ્કર્મ આચર્યું હોવાની આશંકા સેવાઈ રહી છે. યુવતી ના કપડાં અને બેગ મૃતદેહ ના સ્થળ થી 500 મીટર દૂર થી મળ્યા. યુવતી નો મૃતદેહ વિકૃત હાલત માં મળી આવ્યો છે.

મહેસાણા-વિસનગર હાઇવે ઉપર આવેલા બાસણા ગામ ના પાટિયા નજીક ખેતર માંથી નગ્નઅવસ્થા માં યુવતી નો મૃતદેહ મળી આવતા આ મુદ્દો ભારે ચર્ચાનો વિષય બન્યો છે. અને અલગ અલગ પ્રકારના તર્ક પણ લોકો લગાવી રહ્યાં છે. પ્રાથમિક માહિતી અનુસાર વિસનગર ના વાલમ ગામની યુવતીની લાશ હોવાનું પ્રાથમિક તપાસમાં વિગત સામે આવી છે. 

મહેસાણા ખાતે આવેલા એક મોલ માં નોકરી કરતી યુવતી નો મૃતદેહ નગ્ન હાલત માં મળતા યુવતી સાથે અઘટિત ઘટના ને અંજામ આપ્યા બાદ હત્યા કરી હોવાની આશંકા સેવાઇ રહી છે. યુવતી ના શરીર ઉપર ના તમામ કપડાં અને તેની પાસે ની બેગ મૃતદેહ થી 500 મીટર દૂર હાઇવે નજીક ખેતર માંથી મળી છે. બે દિવસ થી ગુમ યુવતી નો મૃતદેહ હત્યા થયેલી હાલત માં મળતા વિસનગર સહિત નો પોલીસ કાફલો ઘટનાસ્થળે દોડી આવ્યો હતો.

ઘટનાસ્થળે વિકૃત હાલત માં અને જાનવર એ કરડી ખાધેલી હાલત માં મૃતદેહ સુધી પહોંચેલી પોલીસ એ હત્યા ની સાથે દુષ્કર્મ ની શંકા આધારે હત્યા નો ભેદ ઉકેલવા ચક્રોગતિમાન કરી દીધા છે. પ્રાથમિક તબક્કે યુવતી ને ગળું દબાવી હત્યા નિપજાવી હોવાનું સામે આવ્યું છે હાલમાં યુવતી ની લાશ ને અમદાવાદ ફોરેન્સિક પીએમ અર્થે મોકલવામાં આવી છે. હાલ અમદાવાદ સિવિલમાંથી પરિવાર યુવતીનો મૃતદેહ સ્વીકારવાનો ઈનકાર કરી રહ્યો છે. અને હોસ્પિટલમાં આ મુદ્દે ભારે હોબાળો પણ થયો. પીડિત પરિવાર હાલ ન્યાયની માગ કરી રહ્યો છે. જ્યાં સુધી પોલીસ દ્વારા સચોટ કાર્યવાહી નહીં થાય ત્યાં સુધી મૃતદેહ સ્વીકારવામાં નહિ આવે તેવું પરિવારનું કહેવું છે.