હાર્દિક પટેલના અલ્પેશ ઠાકોર અને ભાજપ સામે સણસણતા સવાલ, જુઓ વીડિયો

અમદાવાદ : હાર્દિક પટેલે અલ્પેશ ઠાકોર અને ભાજપ પર આકરા પ્રહાર કર્યા. કોંગ્રેસ છોડી ભાજપમાં જોડાવા જઇ રહેલા અલ્પેશ ઠાકોર મુદ્દે અણીયારા સવાલા કરતાં હાર્દિક પટેલે આડકતરો ઇશારો કર્યો છે આ માત્રને માત્ર સત્તા માટેનું સમીકરણ છે. કોંગ્રેસ સત્તામાં નથી ત્યારે કોંગ્રેસ છોડી ભાજપમાં જવાનો અર્થ એવો થાય કે આ સત્તા માટે જ છે. હાર્દિક પટેલે સરકાર અને ભાજપની નીતિ સામે પણ આકરા સવાલ કર્યા. 

હાર્દિક પટેલે ઝી 24 કલાક સાથેની મુલાકાતમાં કહ્યું કે, ખૂબ નવાઇ લાગે છે. ખતરો એ લોકો માટે નથી પરંતુ જનતા માટે છે. કે જેમણે એમના પર વિશ્વાસ મુક્યો હતો. છ મહિના પછી ભાજપ સારૂ નહીં લાગે તો કોંગ્રેસમાં આવશે? આવા લોકો સામે કોઇ સવાલ નથી કરતું. જે કરે એમની સામે આંગળીઓ ચીંધવામાં આવે છે. ગુજરાતના લોકો દુ:ખી છે ત્યારે ચર્ચા કરવાને બદલે કે ઉકેલ લાવવાને બદલે તમે કોંગ્રેસના ધારાસભ્યોને ખરીદી રહ્યા છે આ વાત દુખી કરનારી છે.