ગુજરાતમાં 31 જુલાઈ સુધી ભારે વરસાદથી કોઈ રાહત નહીં! આ જિલ્લાઓમાં જાહેર કર્યું એલર્ટ

Weather Forecast News: ગુજરાતમાં છેલ્લા 10 દિવસોથી પડી રહેલા ભારેથી અતિભારે વરસાદથી કોઈ રાહત મળવાની આશા દેખાતી નથી. હવામાન વિભાગે રાજ્યમાં 31 જુલાઈ સુધી બારે વરસાદ પડવાની આગાહી વ્યક્ત કરી છે. આઈએમડીના એલર્ટમાં કહેવામાં આવ્યું છે કે સૌરાષ્ટ્ર બાદ હવે મધ્ય ગુજરાતના વડોદરા અને અમદાવાદ જિલ્લામાં ભારે વરસાદ પડી શકે છે. 29 જુલાઈએ અમદાવાદ, આણંદ, વડોદરા, છોટા ઉદેપુર અને ભરૂચ માટે ઓરેન્જ એલર્ટ રાખ્યં છે. 

તેની સાથે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, પંચમહાલ, દાહોદ, મહીસાગર, નર્મદા, સુરત, ડાંગ, નવસારી, વલસાડ, તાપી, દમણ, દાદરા નગર હવેલી, સુરેન્દ્રનગર, રાજકોટ, જામનગર, ભાવનગર, મોરબી અને બોટાદ માટે બારે વરસાદનું યેલો એલર્ટ આપ્યું છે. 

વડોદરા અને ભરૂચમાં ભારે!
હવામાન વિભાગે 30 જુલાઈએ નવસારી, વલસાડ અને દમણ, દાદરા નગર હવેલીમાં ભારે વરસાદની ચેતવણી જાહેર કરવામાં આવી છે. 31 જુલાઈએ નવસારી, વલસાડ અને દમણ, દાદરા નગર હવેલીમાં ભારે વરસાદની ચેતવણી છે. ગુજરાતના સૌરાષ્ટ્ર અને દક્ષિણ ગુજરાતમાં ભારે વરસાદથી ઘણું નુકસાન થયું છે. 

વડોદરામાં ભારે વરસાદ બાદ ઓવરફ્લો થયેલા આજવા ડેમથી નીચલા વિસ્તારોમાં સમસ્યા થઈ શકે છે. સાથે ભરૂચના નીચલા વિસ્તારોમાં અત્યારે પાણી ભરાયેલું છે. ગુજરાતમાં ભારે વરસાદથી પોરબંદર, દેવભૂમિ દ્વારકાની સાથે જૂનાગઢ અને જામનગર જિલ્લામાં ઘણું નુકસાન થયું છે.

ગાંધીનગરમાં પણ પાણી ભરાયા 
ગુજરાતમાં ભારે વરસાદને કારણે ગાંધીનગરમાં પણ પાણી ભરાઈ જવાની સમસ્યા સર્જાઈ છે. ગાંધીનગરના નીચાણવાળા વિસ્તારોમાં પાણી ભરાયા છે. દહેગામ તાલુકામાં સ્થિતિ સૌથી વધુ વણસી છે. ત્યાં વધુ વરસાદ નોંધાયો છે. હવામાન વિભાગના સવારે 9 વાગ્યાના અપડેટ મુજબ રાજ્યના 119 તાલુકાઓમાં સારો વરસાદ નોંધાયો છે. અમદાવાદના ઓરેન્જ એલર્ટ બાદ સ્થાનિક વહીવટીતંત્ર એલર્ટ થઈ ગયું છે.