જૂનાગઢ: કોંગ્રેસના ધારાસભ્ય ભીખાભાઈ જોશીના પરિવારને અકસ્માત નડ્યો, પૌત્રીનું મોત

હનીફ ખોખર, જૂનાગઢ: આજનો શનિવાર ગુજરાતના બે ધારાસભ્યો માટે ગોઝારો બની ગયો. એક તો કોંગ્રેસના ધારાસભ્ય અને લોકસભા 2019ની ચૂંટણીમાં રાજકોટ બેઠક પરથી કોંગ્રેસના ઉમેદવાર લલિત કગથરાના દીકરાનું અકસ્માતમાં મોત થયું છે. લલિત કગથરાના દીકરા વિશાલ કગથરાનું પશ્ચિમ બંગાળમાં એક અકસ્માતમાં મોત નિપજ્યું છે. વિશાલ કગથરા પરિવાર અને મિત્રો સાથે ગંગટોક ફરવા ગયો હતો. ત્યારે શીલીગુડીથી બહેરામપુર વચ્ચે વોલ્વો બસને અકસ્માત થયો હતો. જેમાં વિશાગ કગથરાનું મોત થયું છે. જ્યારે બીજો અકસ્માત જૂનાગઢના કોંગ્રેસના ધારાસભ્ય ભીખાભાઈ જોશીના પરિવારને નડ્યો. જેમાં તેમની પૌત્રીનું મોત થયું છે.