અરવિંદ કેજરીવાલે ગુજરાતમાં કહ્યું, `ગજબની હવા ચાલી રહી છે, ગુજરાતમાં ઝાડું ચાલી રહ્યું છે`

Gujarat Election 2022: વિધાનસભાની ચૂંટણીમાં આમ આદમી પાર્ટી ભાજપને બરાબરની ટક્કર આપવા માટે કમર કસી રહ્યું છે. જેથી આપના સંયોજક અને દિલ્લીના મુખ્યમંત્રી કેજરીવાલ આજથી ગુજરાતના ત્રણ દિવસના પ્રવાસે છે. તેમના પ્રવાસની શરૂઆત પંચમહાલથી શરૂ થઈ છે. કેજરીવાલે પંચમહાલમાં આજે એક ભવ્ય સભાને સંબોધી હતી. મોરવા હડફમાં સભાને સંબોધનની શરૂઆત ગુજરાતીમાં કરી હતી. 

અરવિંદ કેજરીવાલે પંચમહાલમાં આઈ લવ યુ - કહીને જનમેદનીમાં સંબોધન કર્યું હતું. કેમ છો? મજામાં... કહીને ગુજરાતીમાં ભાષણની શરૂઆત કરી હતી. તેમણે જણાવ્યું કે કેન્દ્ર સરકારે આઈબીને ગુજરાતમાં મોકલી છે. પણ આઈબીનો રિપોર્ટ છે કે ગુજરાતમાં આપની સરકાર બને છે અને 90ની આસપાસ સીટો આવે છે. પરંતુ હું તમને વિનંતી કરું છે કે તમારે એક કામ કરવાનું છે. એવો ધક્કો મારો કે 150 સીટો આવે. બધા રેકોર્ડ આ વખતે તોડી નાંખો. આમ આદમી પાર્ટીની ડિસેમ્બરમાં સરકાર બનશે.