Gujarat Tourism : કચ્છનું ધોરડો બન્યું શ્રેષ્ઠ પ્રવાસન ગામ, 1000થી ઓછી છે આ ગામની વસ્તી, જાણો કારણો

Dhordo best tourism village: ગુજરાતમાં રન ઉત્સવ 2023નું આયોજન કરતા પહેલાં, યુનાઈટેડ નેશન્સ વર્લ્ડ ટુરિઝમ ઓર્ગેનાઈઝેશન (UNWTO) એ કચ્છ જિલ્લાના ધોરડોને શ્રેષ્ઠ પ્રવાસન ગામ તરીકે પસંદ કર્યું છે. સંસ્થાએ વિશ્વભરના 54 ગામડાઓમાં ધોરડોનો સમાવેશ કર્યો છે. અહીં દરેક રન ઉત્સવનું આયોજન કરવામાં આવે છે.

ગુજરાતના કચ્છ જિલ્લામાં આવેલા ધોરડો ગામને વિશ્વ પ્રવાસન સંસ્થા દ્વારા 54 બેસ્ટ ટુરિઝમ વિલેજની યાદીમાં સામેલ કરવામાં આવ્યું છે. ધોરડોએ G20 ની ભારતની અધ્યક્ષતા હેઠળ પ્રભાવશાળી જૂથની પ્રથમ પ્રવાસન કાર્યકારી જૂથની બેઠકનું આયોજન કર્યું હતું. વર્લ્ડ ટુરિઝમ ઓર્ગેનાઈઝેશન (UNWTO) એ તેના ઉત્કૃષ્ટ પ્રવાસન ગામોની 2023ની યાદી જાહેર કરી છે. વર્લ્ડ ઓર્ગેનાઈઝેશને તેની સત્તાવાર વેબસાઈટ પર જાહેર કરેલા એક નિવેદનમાં જણાવ્યું છે કે આ સન્માન એવા ગામોને આપવામાં આવે છે જે ગ્રામીણ વિસ્તારોના વિકાસ અને લેન્ડસ્કેપ્સ, સાંસ્કૃતિક વિવિધતા, સ્થાનિક મૂલ્યો અને ખાદ્ય પરંપરાઓના જાળવણીમાં અગ્રેસર છે. 2011ની વસ્તી ગણતરી મુજબ ધોરડો ગામની વસ્તી આશરે 600 લોકોની છે.

પીયૂષ ગોયલે કહ્યું, ટ્રીપ બુક કરો
ગુજરાતના કચ્છ જિલ્લામાં આવેલા ધોરડોને શ્રેષ્ઠ પ્રવાસન ગામ તરીકે પસંદ કરવામાં આવતા કેન્દ્રીય વાણિજ્ય મંત્રી પીયૂષ ગોયલે Tweet કરીને પૂછ્યું કે, તમે ધોરડોની તમારી ટ્રીપ ક્યારે બુક કરી રહ્યા છો? ગુજરાતના કચ્છના આ ગામને શ્રેષ્ઠ પ્રવાસન ગામનો ટેગ મળ્યો છે. અહીં ટેન્ટ સિટી ખાતે આ વર્ષે 10મી નવેમ્બરથી શરૂ થતાં રણ ઉત્સવના વાર્ષિક સાંસ્કૃતિક ઉત્સવનો અનુભવ કરવાની તક ચૂકશો નહીં. થોડા દિવસો પહેલા પીએમ મોદીએ બોલિવૂડના મહાનાયક અમિતાભ બચ્ચનને પણ ફરી કચ્છના રણની મુલાકાત લેવા કહ્યું હતું. પીએમ મોદીએ પણ પોતાના Tweetમાં લખ્યું હતું કે સ્ટેચ્યુ ઓફ યુનિટીની તમારી મુલાકાત પણ બાકી છે.