Gujarat Election 2022 Result :મતદાન પહેલા ઈન્દ્રનીલનો દાવો, કાંટાની ટક્કર હોય એવું હું માનતો નથી, 3 કલાકમાં સમગ્ર ગણિત સામે આવશે

Gujarat Assembly 2022 Result : આજે ગુજરાત માટે મોટો દિવસ છે. આજે ગુજરાત વિધાનસભાની ચૂંટણીનું પરિણામ છે. ત્યારે ZEE 24 કલાક સૌથી પહેલાં અને સૌથી ઝડપી તમને પરિણામની તમામ અપડેટ આપી રહ્યું છે. ગુજરાતની રાજનીતિ માટે આજે સૌથી મોટો દિવસ છે. ગુજરાતમાં કોની બનશે સરકાર તેનો આજે ફેંસલો થશે. 182 વિધાનસભાની બેઠક માટે આજે મતગણતરી થશે. ગુજરાત વિધાનસભાની ચૂંટણીના જંગમાં ઉતરેલા 1621 ઉમેદવારોના ભાવિનો આજે ફેંસલો થશે. સવારે 8 વાગ્યાથી મત ગણતરી શરૂ થશે. સૌથી પેહલાં બેલેટ પેપર અને ત્યાર બાદ EVMની મત ગણતરી થશે. રાજ્યમાં અલગ અલગ 37 જગ્યાએ મતગણતરી થશે. બપોરના 2 વાગ્યા સુધીમાં મોટાભાગના પરિણામો જાહેર થઈ જાય અને પિક્ચર ક્લિયર થઈ જાય તેવી શક્યતા છે. 

જનમત પરથી પડદો ઉચકાવવામાં માત્ર ગણતરીનો સમય બાકી છે. એક્ઝિટ પોલ અનુસાર રાજ્યમાં ભાજપની સરકાર બને છે અને 110થી 125 બેઠક પર ભાજપ જીત મેળવી શકે છે. ત્યારે કોંગ્રેસ અને આપ કેટલી બેઠકો લઈ જાય છે તે માટે જોતા રહો ઝી 24 કલાક.