જ્યાં લોકો ચીપિયા વડે રોટલી શેકે છે ત્યાં આ નિર્દયી પિતા દીકરીના ચામડા શેકતો! ઘટના જાણી કંપી ઉઠશો

મહેસાણા: મહેસાણામાં 9 વર્ષની દીકરીને સગા પિતાએ જ ડામ આપી માર માર્યાની હિચકારી ઘટના સામે આવી છે. રોટલી શેકવાના ચીપિયાથી ડામ આપી પિતાએ માર માર્યાની ઘટના સામે આવી છે. અમદાવાદના જીતુ રબારી સામે બાળકીના મામાએ ફરિયાદ નોંધાવી છે.

જીતુ રબારીના છૂટાછેડા થતા બાળકી તેના મામાને ઘરે રહેતી હતી. પરંતુ સામાજિક સમજૂતી બાદ જીતુ રબારી દીકરીને અમદાવાદ લાવ્યો હતો. પરંતુ છેલ્લા 3 મહિનાથી જીતુ રબારી 9 વર્ષની દીકરીને રોટલી શેકવાના ચીપિયાથી ડામ આપી માર મારતો હતો. જેની જાણ થતા બાળકીને ગાંધીનગર સિવિલ હોસ્પિટલમાં સારવાર આપ્યા બાદ મામાને ઘરે પરત લઈ જવામાં આવી છે. પરંતુ આ હેવાન પિતાની કરતૂત સામે બાળકીના મામાએ ફરિયાદ નોંધાવી છે અને જીતુ રબારી સામે કડકમાં કડક કાર્યવાહી કરવાની માગ પણ કરવામાં આવી છે.