Mehsana: દિકરીનું સગપણ જોઇ પરત ફરી રહેલા પરિવારને નડ્યો વિચિત્ર અકસ્માત, 2નાં ઘટના સ્થળે જ મોત

મહેસાણા : જિલ્લાના બુડાસણ ગામના એક પરિવારને નંદાસણ પાસે અકસ્માત નડતા કારના ડ્રાઇવર સહિત બે લોકોના મોત નિપજ્યાં છે. બુડાસણનો પરિવાર દીકરી માટે સગપણ જોઇને પરત ફરી રહ્યા હતા ત્યારે અકસ્માતનો ભોગ બની હતી. બુડાસણનો પરિવાર દીકરી માટે સગપણ જોઇને પરત ફરી રહ્યા હતા. ત્યારે અચાનક સામેથી આવી રહેલી કારનું ટાયર ફાટતા પરિવારની ગાડી સાથે અથડાઇ હતી. જેમાં દીકરીની માતા અને કારના ડ્રાઇવરનું મોત નિપજ્યું હતું. અકસ્માત સમયે કારમાં પાંચ લોકો બેઠેલા હતા. 

મહેસાણાના કડીના બુડાસણનો રહેતો ફતેહખાન બ્લોચ પોતાની દીકરી માટે વિસનગર પાસે આવેલા ભાલક ગામમાં સગપણ જોવા માટે ગયા હતા. જેમાં ફતેહખાનના એક સંબંધી બ્લોચ સાહેલ ખાન પોતાની ગાડી લઇને આવ્યા હતા. ગાડીમાં ફતેહખાન બ્લોચ, બે પત્ની સાબેરાબાનુ અને મેમુના બાનુ તેમજ ફરીદબાનુ કુલ પાંચ લોકો ગાડીમાં બેસીને સગપણ જોવા માટે ગયા હતા. બ્લોચ પરિવાર પોતાની દીકરી ફરીદાબાનુનું સગપણ જોવા વિસનગર પાસે આવેલા ભાલક મુકામે ગયા હતા. 

પરત ફરવા દરમિયાન ખેરપુર પાસે કડી બાજુથી આવી રહેલી એક અન્ય ગાડીનું ટાયર ફાટતા આ ગાડી ફંગોળાઇને બ્લોચ પરિવારની ગાડી સાથે ટકરાઇ હતી. આ અકસ્માતમાં સગપણ જોવા ગયેલી દિકરીની માતા અને ડ્રાઇવર બ્લોચ સાહેલનું ઘઠના સ્થળે જ મોત નિપજ્યું હતું. બાકીના ત્રણ લોકો ઘાયલ થયા હતા. તમામ ઘાયલોને કડીની હોસ્પિટલમાં ખસેડાયા હતા. હાલ તો પોલીસે અકસ્માતે મોતનો ગુનો દાખલ કરીને તપાસ આદરી હતી.