દક્ષિણ ગુજરાતના અનેક વિસ્તારોમાં આજે ભૂકંપના આંચકા આવ્યા, કેન્દ્ર બિંદુ હતું નાસિકમાં

જય પટેલ/વલસાડ :દક્ષિણ ગુજરાતના અનેક વિસ્તારોમાં આજે ભૂકંપના આંચકા અનુભવાયા હતા. જેમાં વાપી સહિત વલસાડ જિલ્લામાં, સંઘપ્રદેશ દમણ, દાદરા નગર હવેલીમાં સવારે ભૂકંપના આંચકા અનુભવાતા લોકો સલામતીના ભાગરૂપે ઘરમાંથી બહાર દોડી આવ્યા હતા.

આજે વહેલી સવારે 9:17 વાગ્યે દક્ષિણ ગુજરાતના કેટલાક વિસ્તારોમાં 3.5નો ભૂકંપનો આંચકો અનુભવાયો હતો. ભૂકંપના આંચકાનું કેન્દ્ર બિંદુ મહારાષ્ટ્ર નાસિકમાં નોંધાયું છે. ભૂકંપના આંચકાને પગલે વાપી સહિતના વિસ્તારમાં લોકોના ઘરના બારી દરવાજા હલ્યા હતા, જેને કારણે લોકોમાં ગભરાટ પણ જોવા મળ્યો હતો. 

સમગ્ર ગુજરાતના લેટેસ્ટ સમાચાર, જુઓ LIVE TV :