રાજ્યમાં 23 જૂનથી વરસાદની શક્યતા, હવામાન વિભાગે કરી આગાહી

અમદાવાદઃ ગુજરાતમાં હજુ વરસાદ માટે રાહ જોવી પડશે. આગામી 23થી 25 જૂન વચ્ચે વરસાદની શક્યતા હવામાન વિભાગે વ્યક્ત કરી છે. રાજ્યમાં પ્રિ-મોન્સૂન એક્ટિવિટીનો પ્રારંભ થતાં વરસાદી ઝાપટાં પડી રહ્યાં છે. સૌરાષ્ટ્ર-દક્ષિણ ગુજરાત અને ઉત્તર ગુજરાતમાં કેટલીક જગ્યાએ વરસાદી ઝાપટાં પડતાં ગરમીથી થોડી રાહત થઈ છે. તો બીજી તરફ લોકો બફારાનો અનુભવ કરી રહ્યાં છે. અમદાવાદમાં સવારથી જ વાદળછાયું વાતાવરણ જોવા મળી રહ્યુ છે. હવામાન વિભાગે દક્ષિણ ગુજરાત અને સૌરાષ્ટ્રમાં પાંચ દિવસ હળવા ઝાપટા પડવાની હવામાન વિભાગે આગાહી વ્યક્ત કરી છે.