હચમચાવી નાંખે તેવી ઘટના! પોતાનું પાપ છુપાવવા મહિલાએ શિશુને ફેંક્યું, માતા-પ્રેમીની પુછપરછમાં મોટો ખુલાસો

ભદ્રપાલસિંહ સોલંકી/મહીસાગર: મહીસાગર જિલ્લામાં ત્યજેલ નવજાત શિશુના માતા અને પ્રેમીની જિલ્લા પોલીસ દ્વારા ધરપકડ કરાઈ છે. બન્ને જણાંની પૂછપરછ કરતા ચોંકાવનારા ખુલાસા સામે આવ્યા છે.

લુણાવાડા તાલુકા પોલીસ સ્ટેશન વિસ્તાર ના મલેકપુર ગામ પાસે આવેલ ઇંડિયન ઓઇલ પેટ્રોલપંપ પાસે આવેલ ડાંગરવાળા ખેતરમાં ઈલેક્ટ્રીક ડી.પી.ની જુના ખુલ્લા બોક્ષમાં અરક્ષિત નવજન્મેલ શિશુ પહેલી નવેમ્બરને શનિવારના રોજ મળી આવેલ અને જે બાબતે લુણાવાડા તાલુકા પોલીસ સ્ટેશનમાં ગુન્હો નોંધી ડી વાય એસ પી કમલેશ વસાવાના માર્ગદર્શન હેઠળ અલગ અલગ પોલીસની ટીમ બનાવી તપાસ શરૂ કરવામાં આવી હતી. તપાસ કરતા અને ખાનગી રાહે બાતમી મળતા નવજાત શિશુ ત્યજી દેનાર માતા નયના શૈલેષ ધામોત જે વિધવા છે, જેણે સમાજના ડરથી પોતાના મિત્ર લાલા અમરા પગીની મદદ વડે પોતાનું પાપ છુપાવવા નવજન્મેલ શિશુ ત્યજી દીધું હતુ. 

લુણાવાડા પોલીસ દ્વારા બાળક માતા અને તેના પ્રેમીની પૂછપરછ કરતા પ્રેમીના બચાવ અને સમાજમાં પ્રતિષ્ઠા ગુમાવી ન પડે તે માટે કળયુગની માતાએ નવજાત શિશુને ડી.પીની બાજુના ડબ્બામાં મૂકી પોતાનું પાપ અને પ્રેમ છુપાવા આ કાવતરું કરવામાં આવ્યું હતું. 

હાલ લુણાવાડા પોલીસ દ્વારા પ્રેમીને બાળકની માતાની ધરપકડ કરી કાર્યવાહી હાથ ધરી છે. જોકે પોલીસ દ્વારા નવજાત બાળકને બાળકોની હોસ્પિટલમાં સારવાર કરાવતા હાલ બાળકનો જીવ બચાવી લેવામાં આવ્યો છે.