ગુજરાત રાજ્યસભા: અમારા ધારાસભ્યોનાં રાજીનામા માત્ર અફવા હોવાનો અમિત ચાવડાનો દાવો

ગૌરવ પટેલ/અમદાવાદ :કોંગ્રેસના ધારાસભ્યોના રાજીનામા અંગે કોંગ્રેસ પ્રમુખ અમિત ચાવડાએ મહત્વનું નિવેદન આપ્યું હતું. લોકશાહીમાં નહીં માનનારી ભાજપ દ્વારા કોંગ્રેસના ધારાસભ્યોને બદનામ કરવા કોંગ્રેસના ધારાસભ્યોના નામ ઉછાળવામાં આવી રહ્યા છે. ભાજપ દ્વારા ભ્રામક પ્રચાર કરવામાં આવી રહ્યો છે. ગઈકાલથી અલગ અલગ ધારાસભ્યોએ રાજીનામાં આપ્યા હોવાની વાત માધ્યમોમાં ચાલી રહી છે. અત્યાર સુધી વિધાનસભાના અધ્યક્ષ દ્વારા પુષ્ટિ આપવામાં આવી નથી. ધારાસભ્યોના રાજીનામાની સાબિતી આપવામાં આવી નથી. આવી વાતો કરી ભાજપ પોતાની નિષફળતા છુપાવવા પ્રયાસ કરી રહી છે.