અધિકારી હોય તો આવા! સરકારી કચેરીના અંધેર વહીવટને તપાસવા વેશપલટો કરીને પહોંચ્યા

Panchmahal News પંચમહાલ : પહેલાના સમયમાં રાજાઓ વેશપલટો કરીને પ્રજા વચ્ચે જતા હતા. જેમાં તેઓ તેમનું રાજ્ય યોગ્ય રીતે ચાલે છે કે નહિ તે વિશે છુપી રીતે નિરીક્ષણ કરતા અને આ રીતે પ્રજાની પડતી કેટલીય સમસ્યાઓનું નિરાકરણ આવતું હતું. રાજાશાહી ગઈ અને સરકારી તંત્ર આવ્યું. કારભાર બદલાયો, પણ પ્રજાની સમસ્યાનું હવે કોઈ નિરાકરણ આવતું નથી. આવામાં ગુજરાત સરકારના એક સરકારી અધિકારીએ વેશપલટો કરીને સરકારી ઓફિસ પહોંચ્યા હતા. જ્યાં તેમણે સરકારી ઓફિસોમાં પ્રજાને કેવી કેવી મુશ્કેલ પડી રહી છે તેનો તાગ મેળવ્યો હતો. ત્યારે સરકારી કચેરીનું અસલી પિક્ચર તેમની સામે આવ્યું હતું.

પંચમહાલ જિલ્લાના પુરવઠા અધિકારી એચ ટી મકવાણાએ વેશ પલટો કરી સરકારી ઓફિસમાં સ્ટિંગ ઓપરેશન કર્યું હતું. પુરવઠા અધિકારીેએ મામલતદાર કચેરીની સિસ્ટમની પોલ ખોલી હતી. ડીએસઓ એચ.ટી.મકવાણા ગોધરા મામલતદાર કચેરી ખાતે પહોંચ્યા હતા. જ્યાં પાંચ જેટલા રેશનકાર્ડ ધારકોને સાથે રાખી સ્ટીંગ ઓપરેશન હાથ ધર્યુ હતું.