અમદાવાદ સહિત ગુજરાતના કેટલાક વિસ્તારોના હવામાનમાં પલટો, ભર ઉનાળે વરસાદી માહોલ સર્જાયો

અમદાવાદ: રાજ્યમાં કેટલાક સ્થળોએ ભર ઉનાળે વરસાદી માહોલ સર્જાયો છે. જેની અસર અમદાવાદમાં પણ જોવા મળી છે. શિવરંજની, પ્રહલાદનગર, સેટેલાઈટ, બોપલ, એસ જી હાઈવેના કેટલાક વિસ્તારોમાં વરસાદ પડ્યો છે. ખુબ પવન ફૂંકાયો અને કેટલાક સ્થળો પર વરસાદ પડ્યો છે. જો કે આ કમૌસમી વરસાદે ખેડૂતોની ચિંતા વધારી દીધી છે. 

રાજ્યના વાતાવરણમાં અચાનક આવ્યો પલટો આવી ગયો છે. જો કે તેની આગાહી અગાઉ કરવામાં આવી હતી. બનાસકાંઠા, અમરેલી અને ભાવનગરમાં ભારે પવન સાથે પડ્યો. વરસાદ પડતા વાતાવરણમાં ઠંડક પ્રસરી ગઈ છે. આ બાજુ બનાસકાંઠામાં પણ વાતાવરણમાં પલટો આવી ગયો છે. ધાનેરા પંથકમાં કમોસમી વરસાદ પડ્યો છે. આ વરસાદે જો કે ખેડૂતોની ચિંતા વધારી છે.