દેખાવડા લાગતા આ પોલીસ કર્મચારીએ પ્રેમમાં પાગલ થઈને કર્યું Suicide, પંખામાં ચુંદડી સાથે લટકતી લાશ મળી

સત્યમ હંસોરા/રાજકોટ :રાજકોટ પોલીસ હેડ ક્વાર્ટરમાં પંખા સાથે મળેલી પોલીસ કર્મચારીના આત્મહત્યા (Suicide) થી ભારે ઉહાપોહ સર્જાયો છે. ત્યારે આ આત્મહત્યા પાછળ પ્રેમ પ્રકરણ જવાબદાર હોવાનું કહેવાઈ રહ્યું છે. પરંતુ હેડ ક્વાર્ટરમાં જ પોલીસ કર્મચારીએ જીવન ટૂંકાવી લેતા વિવિધ પ્રકારની વાતો વહેતી થઈ હતી. 

રાજકોટ પોલીસ હેડ ક્વાર્ટરમાં થોરાળા પોલીસ સ્ટેશનમાં ફરજ બજાવતા કોન્સ્ટેબલ આશિષ દવેએ આત્મહત્યા કરી છે. હેડ ક્વાર્ટરમાં પંખામાં ચૂંદડી બાંધીને આપઘાત કર્યો હતો. ત્યારે આશિષ દવેએ આપઘાત કરતા પહેલા પોતાના સ્ટેટસમાં શાયરીઓ અને સોન્ગ મૂક્યા હતા. એક મેસેજમાં તેમણે લખ્યું હતું કે, 'મારી હસ્તી રમતી પરી' જ્યારે બીજા મેસેજની નીચે અંગ્રેજીમાં લખ્યું છે કે, 'only 4 my angel'. ત્યારે આશિષ દવેએ આ શબ્દોનો ઉપયોગ કોના માટે કર્યો છે અને કયા કારણોર મોત વ્હાલુ કર્યું છે તે દિશામાં પોલીસ તપાસ કરી રહી છે. 

હાલ તેમના મોતથી તેમનો પરિવાર આઘાતમાં છે. તેમના મૃતદેહને પોસ્ટમોર્ટમ માટે મોકલી દેવાયો છે. સમગ્ર મામલે પ્રદ્યુમનનગર પોલીસે વધુ તપાસ હાથ ધરી છે.