રવિન્દ્ર જાડેજાના ‘હોમ ગ્રાઉન્ડ’માં મોટો જંગ, પત્ની બાદ હવે બહેન પણ કરણી સેનામાં...

અમિત રાજપૂત/અમદાવાદ :ભારતીય ક્રિકેટર રવિન્દ્ર જાડેજામાં પારિવારિક વિખવાદો હવે લોકો સામે આવી રહ્યાં છે. થોડા સમય પહેલા જ કોંગ્રેસમાં જોડાયેલા રવિન્દ્ર જાડેજાના બહેન નયનાબા જાડેજા હવે કરણી સેનામાં પણ જોડાયા છે. અહી મહત્વની બાબત એ છે કે, રવિન્દ્ર જાડેજાના પત્ની રિવાબા કરણી સેના ગુજરાત મહિલા સેલના પ્રમુખ છે, ત્યારે હવે બહેનને ગુજરાત મહિલા સેલના પ્રભારી બનાવાતા નણંદ-ભાભી વચ્ચે મોટી જંગ જામશે તેવી પૂરેપૂરી શક્યતાઓ રહેલી છે. 

ઉલ્લેખનીય છે કે, નયના બા તાજેતરમાં જ પિતા સાથે કોંગ્રેસ પક્ષમાં જોડાયા હતા. આ સમાચારે ગુજરાતના રાજકારણમાં ચર્ચા જગાવનારા હતા. તો તેના બીજા દિવસે રવિન્દ્ર જાડેજાએ ટ્વિટરના માધ્યમથી ભાજપને સમર્થન જાહેર કર્યું હતું.