અજનબી પાસેથી લીધેલી સિગરેટનો કસ માર્યો તો અવાજ જતો રહ્યો, રાજકોટની ચોંકાવનારી ઘટના

ઝી ન્યૂઝ/રાજકોટ: ગુજરાતના રાજકોટ જિલ્લામાં એક ચોંકાવનારી ઘટના સામે આવી છે. જેમાં યુવકનો અવાજ સિગારેટ પીતાં જ જતો રહ્યો છે. યુવકને હોસ્પિટલમાં દાખલ કરવામાં આવ્યો છે. ઘટનાના ત્રણ દિવસ થવા છતાં હજુ સુધી યુવકનો અવાજ પાછો આવ્યો નથી. ડોક્ટરોની તપાસમાં હજુ સુધી એ સ્પષ્ટ નથી થયું કે સિગારેટ પીવાને કારણે યુવકનો અવાજ કેવી રીતે ગયો. તો ત્યાં જ આ ઘટના સમગ્ર રાજકોટમાં ચર્ચાનો વિષય બની છે. મામલો સામે આવ્યા બાદ પોલીસ તે અજાણી વ્યક્તિને પણ શોધી રહી છે.

જ્યારે હું ભાનમાં આવ્યો, ત્યારે અવાજ નહોતો.
મળતી માહિતી મુજબ રાજકોટના ગીતાનગરમાં કિશન જેરામભાઈ ચારણ રાબેતા મુજબ બપોરે ઢોર ચરાવી રહ્યો હતો. ત્યારે ત્યાંથી પસાર થતો એક અજાણ્યો વ્યક્તિ કિશન સાથે વાત કરવાના બહાને રોકાયો અને સિગારેટ સળગાવી. તેણે કિશનને સિગારેટ ઓફર કરી હતી. સિગારેટ પીતાં જ કિશન રોડ પર પડી ગયો હતો. 

યુવકને રસ્તા પર પડેલો જોઈને પસાર થતા લોકોએ પોલીસને જાણ કરી હતી અને તેને સારવાર માટે હોસ્પિટલ લઈ જવામાં આવ્યો હતો. હોસ્પિટલ પહોંચ્યા પછી 26 વર્ષીય કિશનને હોશ આવ્યો ત્યારે તે ત્યાં બોલી શક્યો નહીં. તેનો અવાજ જતો રહ્યો હતો. તો આ જ માહિતી પહોંચતા પરિવારજનો પણ કિશનની હાલત જોઈને ચોંકી ઉઠ્યા હતા.

એ અજાણી વ્યક્તિ કોણ હતી?
આ સમગ્ર ઘટના અંગે પરિવારજનોએ પોલીસને જાણ કરી છે. પાદરા પોલીસે આ મામલે તપાસ શરૂ કરી છે કે યુવાનને સિગારેટ આપનાર અજાણ્યો કોણ હતો? પોલીસ તપાસ ઉપરાંત આજુબાજુના વિસ્તારની માહિતી પણ એકઠી કરી રહી છે કે અન્ય કોઈ વિસ્તારમાં આવી કોઈ ઘટના બની છે કે કેમ. 

પોલીસ એ પણ જાણવાનો પ્રયાસ કરી રહી છે કે યુવકને કોઈએ શરારતમાં સિગારેટ પીવડાવી હતી કે પછી છેડતીન ઈરાદે શિકાર બનાવ્યો હતો, જોકે યુવક સાથે લૂંટનો કોઈ બનાવ બન્યો નથી.