તેજશ મોદી/ સુરત: સોશિયલ મીડિયામાં આજકાલ અકસ્માતના એવા અનેક વીડિયો સામે આવે છે જેને જોઈને આપણને વિશ્વાસ થતો નથી. સુરતમાં પણ મોડીરાતનો એક વીડિયો સામે આવ્યો છે. સુરતના ડીંડોલી વિસ્તારમાં મોડીરાત્રે એક પૂરપાટ ઝડપે કાર ડિવાઈડર સાથે અથડાઈ હતી. આ દુર્ઘટનામાં કાર ટકરાતા કાર ચાલકનું ઘટના સ્થળે મોત નિપજ્યું હતું. જ્યારે હાલ અકસ્માતના સીસીટીવી સામે આવ્યા છે. બુધવારે મોડીસાંજે અકસ્માતના ધડાકાનો અવાજ સાંભળીને સ્થાનિક લોકો દોડી આવ્યા હતા અને કારચાલકને મહામુસીબતે બહાર કાઢ્યો હતો. આ ઘટનામાં જાણવા મળી રહ્યું છે કે ઘટનામાં ભોગ બનનાર મૃતક એક ગારમેન્ટનો વેપારી હતો અને બે મહિના પહેલા ભરૂચથી સુરત શિફ્ટ થયો હતો.


આ ઘટનામાં મળતી માહિતી પ્રમાણે સુરતના ડિંડોલીના સંતોષ પાર્ક સોસાયટી બહાર બુધવારે રાત્રે એક કાર ધડાકા સાથે શોપિંગ કોમ્પલેક્સની આગળની બાજુ અથડાતા ચાલકનું ઘટના સ્થળે જ મોત નીપજ્યું હતું. જેનું નામ યુવરાજ દેવેન્દ્રસિંહ રાણા જાણવા મળી રહ્યું છે. જેઓ થોડા દિવસ પહેલા પત્ની અને બે દીકરીઓ સાથે ભરૂચથી સુરત ડીંડોલીમાં સ્થાયી થયો હતો. તેણે પોતોના ઘર નજીક જ રેડીમેન્ટ ગારમેન્ટની દુકાન શરૂ કરી હતી. પરંતુ બુધવારે મોડીસાંજે આ દુર્ઘટના બની હતી. અકસ્માતગ્રસ્ત કાર એની પોતાની હતી. આ દુર્ઘટના વિશે હજું સુધી કોઈ સત્તાવાર માહિતી મળી નથી. પરિવારમાં હાલ આ ઘટનાને લઈને શોકનો માહોલ છે.


Zee News App ડાઉનલોડ કરો, અમારી સાથે જોડાઓ : facebook | twitter | youtube