રીલ્સના ચક્કરમાં બાઈક પર બેકાબૂ બન્યું સુરતી કપલ! જબરદસ્ત રોમાન્સનો VIDEO વાયરલ

Surat Viral Video: આજકાલ સોશિયલ મીડિયામાં યુવા વર્ગમાં રીલ્સનો ચસકો લાગ્યો છે. રીલ્સ બનાવીને ફેમસ થવા માટે તેઓ કોઇ પણ હદે જઈ રહ્યા છે. ઘણી વખત જોખમ હોવા છતાં રીલ્સ બનાવાનું વળગણ ક્યારેક ભારે પણ પડે છે ત્યારે સુરતમાં એક રિલ્સનો ચસ્કો એક કપલને ભારે પડ્યો છે. રીલ્સ બનાવાના ચસકામાં એક કપલે જોખમી રીતે બાઈક હંકારીને અશ્લિતાની તમામ હદો પાર કરી છે. આ વીડિયોમાં કપલ ચાલુ બાઇક પર પ્રેમાલાપ કરતા પણ જોવા મળે છે. 

સ્પોર્ટ્સ બાઈક પર કપલ દ્વારા જોખમી રીતે સ્ટંટ
સ્પોર્ટ્સ બાઈકમાં સુરતમાં યુવા વર્ગને ઇન્સ્ટાગ્રામ પર રિલ્સ બનાવવાનું ઘેલું લાગ્યું છે. સ્પોર્ટ્સ બાઈકમાં કપલ વાતાલાપ કરી રહ્યું છે અને તેમની અશ્લિલતાનો વીડિયો વાયરલ થયો છે. સુરત પાર્સિંગની સ્પોર્ટ્સ બાઇક પર જોખમી રીતે સ્ટન્ટ સાથે પ્રેમાલાપ કરતા કપલનો વીડિયો હાલ સોશિયલ મીડિયા પર વાયુવેગે વાયરલ થઈ રહ્યો છે. વાયરલ વીડિયોના આધારે સુરત પોલીસે તપાસ ચાલુ કરી છે.

અશ્લિલતાનો વીડિયો થયો વાયરલ
હદ તો ત્યારે થાય છે કે યુવક-યુવતી ચાલુ સ્પોર્ટ્સ બાઈકમાં બંને એકબીજાને ચુંબન પણ કરતા નજરે પડે છે. બ્લુ કલરની બાઈક પર સ્ટંટ કરતા વીડિયોમાં યુવક યુવતી કેદ થઇ ગયા છે, જેમાં ક્યારેક યુવક ડ્રાઇવિંગ કરી રહી છે તો ક્યારેક યુવતી રાઇડિંગ કરતી જોવા મળે છે. એટલું જ નહીં, વીડિયોમાં યુવતી પેટ્રોલ ટાંકી પર બેસી ઉંધી ફરી એકબીજાને ચુંબન પણ કરી રહી છે જેથી આ વીડિયો ચર્ચાનું કેન્દ્ર બન્યો છે.

આ વાયરલ વીડિયોની તપાસ શરૂ
સુરત પોલીસના ધ્યાને આવતા આ વીડિયોની તપાસ શરૂ કરાઇ છે. આ કપલ કોણ છે તે સહિતના મુદ્દે પોલીસ તપાસ કરી રહી છે. આજકાલ જોખમી રીલ્સ બનાવાનું લોકોને ઘેલુ લાગ્યું છે ત્યારે પોલીસ રીલ્સ બનાવનારાઓ સામે કડક કાર્યવાહી કરીને દાખલો બેસાડવા માંગે છે.