ગ્રામજનોએ મારામારી કરનાર યુવકોને દંડ ફટકારી ઉઠક-બેઠક કરાવી ભણાવ્યો પાઠ, સોશિયલ મીડિયા પર વાયરલ થયો વીડિયો

સુરત: સુરતના મહુવા તાલુકામાંથી વિચિત્ર ઘટના સામે આવી છે. જેમાં મહુવરીયા - માછીસાદડા ગામના લોકોએ દૂધના ટેન્કર ચાલકને માર માર્યો હતો. જેથી ગામના આગેવાનોએ ટેન્કર ચાલક સાથે મારામારી કરનાર યુવકોને પોલીસ મથક લઇ જવાના બદલે સમાધાન કર્યું હતું. અને સજા ભાગરૂપે ઉઠક બેઠક કરવાની સજા ફટકારી પાઠ ભણાવ્યો હતો. જેનો વીડિયો સોશિયલ મીડિયા પર ખૂબ વાયરલ થઇ રહ્યો છે. વીડિયો વાયરલ થતાં આ ઘટના ચોતરફ ચર્ચાનો વિષય બની છે. 

પ્રાપ્ત માહિતી અનુસાર  મહુવા તાલુકાના મહુવરિયા-માછીસાદડા ગામના ત્રણ યુવાનોએ મહુવા નજીક આવેલા ડોલવણ તાલુકાના ગામના રસ્તા પર નજીવી બાબતે ટેન્કરચાલક સાથે માથાકૂટ કરી ટેન્કરના ડ્રાઇવરને માર માર્યો હતો. આ ઘટનાની જાણ સ્થાનિક આગેવાનોને થતાં તેઓ ભેગા થયા હતા અને ટેન્કર ચાલક પર હુમલો કરનાર ત્રણેય યુવકોને બોલાવી પાઠ ભણાવ્યો હતો.