Viral Video : દક્ષિણ ભારતીય કલેક્ટરને લાગ્યો ગુજરાતના કસુંબીનો રંગ, કીર્તિદાન ગઢવી સાથે રેલાવ્યા સૂર

અમદાવાદ :ગુજરાતમાં જે પણ આવે તે ગુજરાતીઓના રંગે રંગાઈ જતુ હોય છે. આવા અનેક પુરાવા છે. દક્ષિણ ભારતથી આવેલા લોકો હોય, ઉત્તર ભારતીયો હોય કે પછી બંગાળી, થોડા વર્ષોમાં જ તેઓ ગુજરાતી પરંપરાને આત્મસાત કરતા દેખાય છે. ત્યારે ગુજરાતના આઈએએસને ગુજરાતનો કસુંબી રંગ લાગ્યો છે. સુરેન્દ્રનગરના કલેક્ટર કે.રાજેશ (K. Rajesh) લોકગાયક કીર્તિદાન ગઢવી (Kirtidan Gadhvi) સાથે ઝવેરચંદ મેઘાણીનું ગીત લલકારતા જોવા મળ્યા છે. જોતજોતામાં આ વીડિયો સોશિયલ મીડિયામાં વાયરલ (Viral Video) થયો છે. 

તમને જણાવી દઈએ કે, કે.રાજેશ મૂળ દક્ષિણ ભારતના છે. તેઓએ ગત વર્ષે 2018માં સુરેન્દ્રનગરના કલેક્ટર તરીકેનો ચાર્જ સંભાળ્યો હતો. એક જ વર્ષમાં તેઓ ન માત્ર ગુજરાતી ભાષા, પરંતુ કાઠિયાવાડી લહેકો પણ શીખી ગયા છે. કીર્તિદાન ગઢવી સાથે તેઓ એવી રીતે સૂર રેલાવી રહ્યા છે, જાણે પોતે પણ ગુજરાતી હોય. આ વીડિયો જોઈને કોઈ ન કહી શકે કે તેઓ કાઠિયાવાડી નથી.