PM Modi Garba song: વડોદરામાં જેમ જેમ નવરાત્રિના દિવસો જતા જાય છે, તેમ તેમ ખેલૈયાઓ ગરબા ખેલવાનો રંગ જમાવતા જાય છે. નવલાં નોરતાના સાતમાં દિવસે ખેલૈયાએ બરોડાનો રંગ રાખ્યો હતો. નવલખી ગ્રાઉન્ડ, મા શક્તિ અને યુનાઈટેડ વે સહિત અનેક પાર્ટી પ્લોટ ગરબા ગ્રાઉન્ડ ખેલૈયાથી ઉભરાઈ ગયા હતા. પરંપરાગત આભૂષણોએ લોકોની આંખો આંજી દીધી હતી. શહેરના મોટા ગરબા આયોજનમાં અવનવા ટ્રેડિશનલ ડ્રેસ પહેરીને ગરબે રમતા ખેલૈયાની કેટલીક સુંદર તસવીરો સામે આવી છે. આ તમામ વાતો વચ્ચે હાલ વડોદરામાં PM મોદીએ લખેલા ગરબો ધૂમ મચાવી રહ્યો છે. PM મોદીએ લખેલા ગરબાના તાલે વડોદરાના ખેલૈયાઓ ધૂમ્યા હતા.



COMMERCIAL BREAK
SCROLL TO CONTINUE READING

પીએમ નરેન્દ્ર મોદી દ્વારા લખાયેલા ગરબા ગીત પર આધારિત એક મ્યુઝિક વીડિયો રિલીઝ કરવામાં આવ્યો છે. આ ગરબા ગીત ગુજરાતની સંસ્કૃતિનું ગૌરવ અને વારસો છે. ગુજરાતમાં નવરાત્રીનો તહેવાર ખૂબ જ ધામધૂમથી ઉજવવામાં આવે છે અને માતાની પૂજા કરતી વખતે દુર્ગા પંડાલોમાં ગરબા રમવાની પરંપરા છે. તમને જણાવી દઈએ કે પીએમ મોદીએ આ ગરબા ગીત વર્ષો પહેલા લખ્યું હતું.


PM મોદીએ લખેલો ગરબો રિલીઝ કરાતા સોશિયલ મીડિયામાં અનેક લોકો પસંદ કરી રહ્યા છે. વર્ષો પહેલાં પીએમ મોદીએ એક ગરબો લખ્યો હતો. જે PM મોદીએ ટ્વીટ કરીને આ ગરબો વીડિયો શેર કર્યો છે. ગરબાની સુંદર રજૂઆત માટે પીએમ મોદીએ ધ્વનિ ભાનુશાળી, તનિષ્ક બાગચી અને જસ્ટ મ્યુઝિકનો આભાર માન્યો હતો. છેલ્લાં કેટલાંક દિવસોથી નવો ગરબો લખવાનું મેનેજ કર્યું છે. નવો ગરબો હું નવરાત્રિ દરમિયાન શેર કરીશ. 


ધ્વની ભાનુશાળીએ ગાયું ગીત
નવરાત્રિના અવસર પર પીએમ મોદી માટે એક ગરબા ગીત પર એક વીડિયો રિલીઝ કરવામાં આવ્યો છે. આ ગરબાને ધ્વની ભાનુશાલીએ ગાયું છે અને તનિષ્ક બાગચીએ આ ગીત માટે અવાજ આપ્યો છે. આ ગીતના નિર્માતા જેકી ભગનાની છે. આ ગીત યુટ્યુબ પર રિલીઝ કરવામાં આવ્યું છે. આની જાહેરાત કરતા યુટ્યુબ ચેનલે લખ્યું કે, પીએમ મોદી દ્વારા લખાયેલા ગીત સાથે 'ગરબો'માં અમને તનિષ્ક બાગચીના અવાજ અને ધ્વની ભાનુશાળીના અવાજનો જાદુ જોવા મળશે. સંગીતનો આ જાદુ નવરાત્રિ દરમિયાન ગુજરાતની સંસ્કૃતિને જોવાની પ્રેરણા આપે છે. તેનું નિર્દેશન નદીમ શાહે કર્યું છે. ચેનલે લખ્યું, 'તો તમારી ટીમ તૈયાર કરો, તમારા દાંડિયા અને ઘાઘરા તૈયાર કરો અને 'ગરબો'ને તમારું નવરાત્રિ ગીત બનાવો.


સિંગરે ટ્વીટ કર્યું
બીજી તરફ સિંગર ધ્વની ભાનુશાળીએ ટ્વીટ કર્યું છે કે નરેન્દ્ર મોદીજી, તનિષ્કબાગચી અને મને તમારા દ્વારા લખવામાં આવેલો ગરબો ખુબ પસંદ આવ્યો, અમે એક ફ્રેશ લય, રચના અને સ્વાદની સાથે ગીત બનાવવા માગતા હતા. તેણે ચેનલ માટે લખ્યું કે, ચેનલે અમને આ ગીત અને વીડિયોને જીવંત બનાવવામાં મદદ કરી.


ઘણા વર્ષોથી કંઈ લખ્યું નથી
આ ટ્વીટના જવાબમાં પીએમ મોદીએ ધ્વની ભાનુશાળીને ટેગ કરીને થેન્ક યુ લખ્યું. તેમણે લખ્યું, 'ગરબાની આ સુંદર રજૂઆત માટે જે મેં વર્ષો પહેલા લખી હતી. તે ઘણી યાદો પાછી લાવે છે. મેં ઘણા વર્ષોથી લખ્યું નથી, પરંતુ છેલ્લા થોડા દિવસોમાં હું એક નવો ગરબા લખવામાં સફળ થયો, જે હું નવરાત્રી દરમિયાન શેર કરીશ.