સુરત: પાંડેસરામાં મિલનો સ્લેબ તૂટતા 4 મજૂરો દટાયા, 2ના મોત
પાંડેસરા જીઆઇડીસી વિસ્તારમાં આવેલી રિદ્ધિ સિદ્ધિ ડાઇગ 2 જૂની હોવાથી તેને તોડવાની કામગીરી કરવામાં આવતી હતી. 4 જેટલા મજૂરો મિલના પહેલા માળે તોડફોડની કામગીરી કરી રહ્યાં હતા.
ચેતન પટેલ, સુરત: સુરતના પાંડેસરા જીઆઇડીસી વિસ્તરામાં મોડી રાત્રે મિલનું જૂનું બાંધકામ તોડતી વખતે પહેલા માળનો સ્લેબ તૂટતા 4 મજૂરો દટાયા હતા. જે પૈકી બે મજૂરોનું મોત નીપજ્યું હતું. જ્યારે અન્ય બે મજૂરોની હાલત ગંભીર જણાતા તેમને સારવાર આપવામાં આપી રહી છે.
વધુમાં વાંચો: સુરતમાં જાહેરમાં યુવાનને મોતને ઘાટ ઉતાર્યો, સમગ્ર ઘટના સીસીટીવીમાં કેદ
પાંડેસરા જીઆઇડીસી વિસ્તારમાં આવેલી રિદ્ધિ સિદ્ધિ ડાઇગ 2 જૂની હોવાથી તેને તોડવાની કામગીરી કરવામાં આવતી હતી. 4 જેટલા મજૂરો મિલના પહેલા માળે તોડફોડની કામગીરી કરી રહ્યાં હતા. તે દરમિયાન પહેલા માળનો સ્લેબ ધડાકાભેર નીચે તૂટી પડ્યો હતો. જેમાં ચારેય મજૂરોને ઇજા પહોંચી હતી. સ્લેબ પડ્યાની જાણ થતા જ સ્થાનિક લોકો મિલમાં દોડી આવ્યા હતા અને તાત્કાલિક ધોરણે ચારેય ઇજાગ્રસ્તોને 108 મારફતે સિવિલ હોસ્પિટલમાં ખસેડવામાં આવ્યા હતા.
વધુમાં વાંચો: આશાબેન પટેલ આવતીકાલે પાટણથી જોડાઈ શકે છે ભાજપમાં: સૂત્રો
જોકે ટૂંકી સારવાર બાદ 4 પૈકી 2ના મોત નિપજ્યા હતા. જ્યારે અન્ય બે મજૂરોની હાલત ગંભીર જણાય હતી. બનાવની જાણ થતા જ પાંડેસરા પોલીસ તથા ઉપરી અધિકારીઓની ટીમ ઘટના સ્થળે દોડી આવી તપાસ કરી હતી. હાલ આ બનાવમાં પાંડેસરા પોલીસ કોન્ટ્રાક્ટર વિરૂદ્ધ કોઇ ફરિયાદ નોંધે છે કે કેમ તેના પર સૌ કોઇની નજર છે.