સુરતની વિવેકલિન મિલમાં ડ્રમ મશીનમાં લીકેજથી 7 દાઝ્યા, 2 કામદારના મોત

કરણસિંહ ગોહિલ, સુરત: સુરતના પલસાણાની વિવેકલિન મિલમાં ડ્રમ મશીનનું પેકીંગ લીકેજ થતા 7 કામદારો દાઝ્યા હતા. આ તમામ કામદારોને સારવાર માટે ચલથાણ સંજીવની હોસ્પિટલમાં ખસેડવામાં આવ્યા હતા. જ્યાં આજ રોજ બે કામદારોનું મોત નિપજ્યું છે.

આ પણ વાંચો:- એકસાથે 15 મુસાફરોનું સ્ક્રીનિંગ કરતું મશીન સુરત રેલવે સ્ટેશન પર ઈન્સ્ટોલ કરાયું

સુરતના પલસાણા ચાર રસ્તા પાસે વિવેકલિન મિલમાં 8 જૂનના રોજ વહેલી સવારે ડ્રમ મશીનના પેકીંગ લીકેજ થતા ગરમ પાણી તેમજ વરાળના ફૂવારા ઉડ્યા હતા. જેના કારણે 7 કામદારો દાઝી ગયા હતા. જો કે, આ મિલના ઇન્ચાર્જે તાત્કાલીક 108ને બોલાવી અને તમામ ઇજાગ્રસ્તોને ચલથાણ સંજીવ હોસ્પિટલમાં સારવાર માટે ખસેડવામાં આવ્યા હતા.

આ પણ વાંચો:- સુરત જિલ્લામાં નવા 78 કેસ નોંધાયા, 11 હીરાના કર્મચારીઓ પણ કોરોનાની ઝપેટમાં

જ્યાં તબીબ દ્વારા 2 કામદારની હાલત વધુ ગંભીર અને અન્ય 5ને સામાન્ય ઇજા પહોંચી હોવાનું જણાવવામાં આવ્યું હતું. ત્યારે આજ રોજ આ 7 કામદારોમાંથી 2 કામદારોના મોત નિપજ્યા છે. જેમાં પલસાણાના બલેશ્વર ગામના રહેવાસી ઇકબાલ અને ઝકરીયા ચલથાણ સંજીવનીમાં સારવાર દરમિયાન મોત નીપજ્યું છે.