રાજ્યમાં શ્રીકાર વર્ષા: જામનગર, દેવભૂમિ દ્વારકામાં ભારે વરસાદની આગાહી, અ`વાદ ગાંધીનગરમાં વરસાદ

અમદાવાદ : રાજ્યમાં ચોમાસાનો વિધિવત્ત પ્રારંભ થઇ ચુક્યો છે. સાર્વત્રીક વરસાદ પડી રહ્યો છે. છેલ્લા બે દિવસથી રાજ્યનાં મોટા ભાગનાં વિસ્તારમાં હળવાથી ભારે વરસાદ નોંધાઇ રહ્યો છે. રાજ્યમાં મોટા ભાગના જિલ્લાઓમાં વત્તા ઓછા પ્રમાણમાં વરસાદ થઇ ચુક્યો છે. અમદાવાદનાં કેટલાક વિસ્તારોમાં ધોધમાર તો ક્યાંય ઓછો વરસાદ પડી ચુક્યો છે. 

સવારે ઘોડાસર, ઇસનપુર, સીટીએમ અને નારોલ નરોડા હાઇવેનાં મોટા ભાગના વિસ્તારોમાં વરસાદ પડ્યો હતો. બપોરે એસ.જી હાઇવે, વેજલપુર, મકરબા સહિતનાં એસજી હાઇવેનાં મોટા ભાગનાં વિસ્તારોમાં વરસાદ નોંધાયો હતો. 14 કલાકમાં 100 તાલુકામાં વરસાદ વરસ્યો હતો. તેવામાં હવામાન વિભાગે આવતી કાલે 2 દિવસ દરમિયાન રાજ્યમાં અનેક સ્થળે વરસાદની આગાહી કરી છે.

હવામાન વિભાગના અનુસાર સમગ્ર ગુજરાતમાં વરસાત થઇ ચુક્યો છે. ચોમાસુ કચ્છ સુધી પહોંચી ચુક્યું છે. રાજ્યમાં આજે અને આવતીકાલે જામનગર અને દેવભુમિ દ્વારકામાં ભારે વરસાદની આગીહી છે. માછીમારોને દરિયો ન ખેડવા માટે પણ સુચના અપાઇ ચુકી છે. પવનની ગતિ 50થી 60 કિલોમીટર રહેવાની શક્યતા છે.