ડાંગ જિલ્લામાં વાતાવરણમાં પલટો, સાપુતારામાં મુશળધાર કમોસમી વરસાદ

ડાંગ: ડાંગ જિલ્લામાં વાતાવરણમાં પલટો આવતા સમગ્ર પંથકમાં શિત લહેર છવાઈ ગઈ હતી. ત્યારે સાપુતારામાં મુશળધાર કમોસમી વરસાદ ખાબક્યો હતો. જો કે, અચાનક વરસાદના કારણે રોડ-રસ્તા પર પાણી-પાણી જોવા મળ્યું હતું. તો બીજી તરફ કમોસમી વરસાદથી ખેડૂતોને ભારે નુકસાન થવાની ભીતિ સેવાઈ રહી છે.

આ પણ વાંચો:- રાજ્યમાં કોરોના ટેસ્ટ 1 કરોડને પાર, માત્ર 2.5 લાખ લોકો બન્યા સંક્રમણનો શિકાર

ઉલ્લેખનીય છે કે, ગુજરાતમાં 15 દિવસમાં બીજીવાર કમોસમી વરસાદની આગાહી કરી છે. હવામાન વિભાગ દ્વારા દક્ષિણ ગુજરાત અને ઉત્તર ગુજરાતમાં કમોસમી વરસાદની આગાહી કરવામાં છે. 8થી 10 જાન્યુઆરીના રોજ કમોસમી વરસાદની આગાહી કરી છે.

આ પણ વાંચો:- બર્ડ ફ્લુની આશંકાએ જૂનાગઢનું સક્કરબાગ પ્રાણી સંગ્રહાલય એલર્ટ

8 જાન્યુઆરીએ ડાંગ, તાપી, નર્મદા, દાહોદમાં સામાન્ય વરસાદ આવી શકે છે. જ્યારે 9 જાન્યુઆરીના છોટા ઉદેપુર, નવસારી, ભરૂચ, દાહોદમાં વરસાદની આગાહી કરવામાં આવી છે. ત્યારે 10 જાન્યુઆરીના દિવસે દાહોદ, ડાંગ ભરૂચ, નર્મદા અને તાપીમાં વરસાદની આગાહી કરવામાં આવી છે.